سپورتشى جاڭا قىزمەتكە كەلدى.
وليمپيادا چەمپيونى ولگا شيشيگينا ق ر قورعانىس مينيسترلىگىنىڭ ورتالىق سپورت كلۋبىنىڭ ءتورايىمى بولىپ تاعايىندالدى. جاڭا باسشىنى جەكە قۇرامعا ق ر قورعانىس ءمينيسترى رۋسلان جاقسىلىقوۆ تانىستىردى، دەپ حابارلايدى Almaty-akshamy.kz.
مينيستر بۇل تاعايىنداۋ جوعارى جەتىستىكتەرگە ۇمتىلاتىن ارميا سپورتشىلارى ءۇشىن تاماشا مۇمكىندىك ەكەنىن جەتكىزدى.
ولگا شيشيگينا - قازاقستاندىق سپورتشى، 2000 جىلى سيدنەيدە وتكەن وليمپيادا ويىندارىنىڭ التىن جۇلدەگەرى.
ءبىر جىل بۇرىن ول 100 مەترگە كەدەرگىلەر ارقىلى جۇگىرۋدەن جابىق كەشەندەگى الەم چەمپيونى اتاندى.
ەڭبەك سىڭىرگەن سپورت شەبەرى، قازاق مەملەكەتتىك تۋريزم جانە سپورت اكادەمياسىنىڭ جەڭىل اتلەتيكا كافەدراسىنىڭ مەڭگەرۋشىسى.
سونىمەن قاتار ۇقك شەكارا قىزمەتىندە سپورت نۇسقاۋشىسى قىزمەتىن اتقاردى. پودپولكوۆنيك شەنى بار.
2013 جىلدان باستاپ ق ر پارلامەنتى ءماجىلىسىنىڭ دەپۋتاتى بولدى. ءى دارەجەلى «بارىس»، «قۇرمەت»، «دارىن» وردەندەرىمەن ماراپاتتالعان.
