جاستار ءۇشىن جوعارى جالاقىسى بار بوس جۇمىس ورىندارى انىقتالدى

كەڭ تاراعان سالا ساتۋ بولىمىنە قاتىستى بولعان.

HeadHunter قازاقستان كومپانياسى ەڭبەك تاجىريبەسى جوق جاستار ءۇشىن ەڭ جوعارى جالاقىسى بار بوس جۇمىس ورىندارىن انىقتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

جاستارعا جۇمىس ۇسىنۋعا دايىن كەڭ تاراعان سالا ساتۋ بولىمىنە قاتىستى بولدى. وسى ورايدا كوبىنە ساتۋ جونىندەگى مەنەدجەرلەر مەن ريەتورلار كەزدەسەدى. بۇل قىزمەتتەردە ءاربىر ساتىلىمنان بونۋس تولەۋ ۇسىنىلادى، سوندىقتان جالاقى سوماسىندا ەلەۋلى ايىرماشىلىق بار، ياعني 70 مىڭ تەڭگەدەن 1 ملن تەڭگەگە دەيىن.

سونىمەن قاتار، تۋريزم، قوناق ءۇي، مەيرامحانا سالاسىندا دا ۇسىنىس بارشىلىق. بۇل رەتتە داياشى، بارمەن، اسپازشى، حوستەس پەن تۋراگەنتتەر كەڭىنەن تاراعان. وسى سالادا جالاقى 60 مىڭنان 300 مىڭ تەڭگەگە دەيىن بارادى.

«اكىمشىلىك پەرسونال» سالاسى بوس جۇمىس ورىندار بويىنشا ءۇشىنشى ورىندا. وسى باعىتتا كەڭسەنى باسقارۋشىلار، رەسەپشيونيستەر، حاتشىلار مەن جەكە اسسيستەنتتەرگە قاتىستى ۇسىنىس بار. ولاردىڭ جالاقىلارى 70-تەن 250 مىڭ تەڭگەگە دەيىنگى دەڭگەيدە.

بوس ورىندار سانى بويىنشا ءتورتىنشى ورىندا اقپاراتتىق تەحنولوگيالار، ينتەرنەت، مۋلتيمەديا سالاسى تۇر. قىزمەتىن ەندى باستاعان مامان 450 مىڭ تەڭگەگە دەيىن جالاقى الۋى مۇمكىن. وسى ورايدا باعدارلاماشى ماماندار، جۇيە اكىمشىسى مەن Helpdesk ماماندار ەرەكشە سۇرانىسقا يە.

وسى زەرتتەۋدەگى بەستىككە ماركەتينگ، جارناما، PR باعىتى كىرىپ وتىر. جاس ماماندار ءۇشىن SMM-مەنەدجەر، ەvent-مەنەدجەر مەن ديزاينەر سياقتى بوس ورىندار بار. بۇل سالاداعى جالاقى 80-نەن 500 مىڭ تەڭگەگە دەيىن ۇسىنىلعان.