الماتى مەتروسىندا پرانك جاساعان ءۇش جىگىت جاۋاپقا تارتىلدى
الماتى مەتروسىنىڭ جولاۋشىلارىنا پرانك جاساعان ءۇش جىگىت جاۋاپقا تارتىلدى، – دەپ حابارلايدى Polisia.kz.
مەتروپوليتەندەگى پوليسيا باسقارماسىنىڭ مالىمەتىنشە، ءۇش جاس جىگىت الماتى مەتروسىنىڭ جولاۋشىلارىنا پرانك جاساعان. ولار مۋزىكالىق كولونكانىڭ كومەگىمەن اۋەندى قاتتى داۋىسقا قويىپ، ازاماتتاردىڭ نارازىلىعىنا نازار اۋدارماعان.
– كەيبىر جولاۋشىلار اۋەننىڭ كەنەتتەن ويناعانىن كۇتپەگەندىكتەن، قورىققان. ولاردىڭ ءبىرى “جىبەك جولى” بەكەتىندە قىزمەت ەتەتىن پوليسيا قىزمەتكەرلەرىنەن كومەك سۇرادى. قوعامدىق ءتارتىپتى بۇزعاندار ينسپەكتوردىڭ زاڭدى تالاپتارىنا قارسىلىق تانىتتى. 19 جانە 22 جاستاعى ا.، ك. جانە ا.ەسىمدى ازاماتتاردىڭ ارەكەتتەرى ق ر اقبك-نىڭ 434-بابى (ۇساق بۇزاقىلىق) بويىنشا كۆاليفيكاسيالانعان. اكىمشىلىك ءىستىڭ ماتەريالدارى جيناقتالىپ، شەشىم قابىلداۋ ءۇشىن سوتقا جىبەرىلدى، – دەدى مەتروپوليتەندەگى پب باستىعىنىڭ ورىنباسارى قايرات جۇرۇنوۆ.