الماتى قالاسىنىڭ تجد قىزمەتكەرلەرى قالا تۇرعىندارىنا ساق بولۋدى ەسكەرتتى

اۋا تەمپەراتۋراسىنىڭ تومەندەۋىنە بايلانىستى تەحنوگەندىك ورتتەردىڭ شىعۋ ىقتيمالدىعى ارتادى.

قالا قۇتقارۋشىلارى الماتىلىقتاردى ءورت قاۋىپسىزدىگى ەرەجەلەرىن ساقتاۋعا شاقىردى، دەپ حابارلايدى Almaty-akshamy.kz

«اۋا تەمپەراتۋراسىنىڭ تومەندەۋىنە بايلانىستى تەحنوگەندىك ءورتتىڭ شىعۋ ىقتيمالدىعى ارتادى، سوندىقتان اقاۋى بار ەلەكتر قۇرىلعىلارىن قولدانباڭىز جانە ولاردى جەلىدە قوسۋلى كۇيىندە قاراۋسىز قالدىرماڭىز. جىلىتۋ قازاندىقتارى مەن پەشتەردى پايدالانۋ كەزىندە ءورت قاۋىپسىزدىگى ەرەجەلەرىن ساقتاڭىز. ءتۇتىن مۇرجالارىن ۋاقتىلى تازالاپ، تەكسەرۋ قاجەت»، - دەلىنگەن حابارلامادا.

مامانداردىڭ ايتۋىنشا، جىلىتۋ پەشتەرىن قاراۋسىز نەمەسە جاس بالالاردىڭ قاراۋىندا قالدىرۋ ءقاۋىپتى. قىزىپ كەتپەۋ ءۇشىن پەشتى كۇنىنە ەكى-ۇش رەت، ءبىر جارىم ساعاتتان ارتىق قىزدىرماۋ كەرەك.

سونىمەن قاتار، ءبىر جەلىگە بىرنەشە ەنەرگيانى قاجەت ەتەتىن قۇرىلعىلاردى قوسپاۋ كەرەك، ويتكەنى ەلەكتر جەلىسىنىڭ شامادان تىس جۇكتەلۋى قىسقا تۇيىقتالۋعا جانە ورتكە اكەلۋى مۇمكىن.

توتەنشە جاعدايدا «101» جانە «112» جەدەل تەلەفوندارىن تەرىڭىز.

«وزىڭىزگە جانە جاقىندارىڭىزعا قامقور بولىڭىز!»، - دەيدى قۇتقارۋشىلار.