قاراشانىڭ ءۇشىنشى بەيسەنبىسىندە ءبىرقاتار باتىس ەلدەرىندە تەمەكىدەن باس تارتۋ كۇنى اتاپ وتىلەدى
دەنساۋلىققا وتە زياندى ءارى ەش پايداسى جوق بۇل ادەتتەن ارىلۋ ءۇشىن ارنايى ءبىر كۇندى كۇتۋدىڭ قاجەت جوق بولار. دەسە دە بۇل داتانى امەريكانىڭ ونكولوگيالىق قاۋىمداستىعى 1977 جىلى بەلگىلەگەن. بۇل تۋرالى دەرەكتەر Calend.ru سايتىندا كەلتىرىلگەن.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا: الەمدە وكپە قاتەرلى ىسىگىنىڭ ءولىمىنىڭ 90%-ى، سوزىلمالى ءبرونحيتتىڭ 75% -ى جانە جۇرەكتىڭ يشەميالىق اۋرۋىنىڭ 25% — ى تەمەكى شەگۋ سالدارىنان بولاتىن كورىنەدى؛ الەمدە ءار ون سەكۋند سايىن ءبىر تەمەكى شەگۋشى قايتىس بولادى (جانە ءبىر وكىنىشتىسى، بۇل دەڭگەي جىل سايىن ارتىپ وتىر).
تەمەكىدەن باس تارتۋ حالىقارالىق كۇنىنىڭ ماقساتى - تەمەكىگە تاۋەلدىلىكتى ازايتۋعا ىقپال ەتۋ، شىلىم تارتۋمەن كۇرەستە حالىقتىڭ بارلىق ساناتىن جانە بارلىق ماماندىقتاعى دارىگەرلەردى تارتۋ، تاباك ونىمدەرىن تۇتىنۋدىڭ الدىن الۋ جانە ونىڭ دەنساۋلىققا زياندى اسەرى جونىندە حاباردار ەتۋ.
ساۋالناما جۇرگىزىلگەن ادامداردىڭ 47%-ى تەمەكى شەگۋدى زياندى ادەت دەپ ساناسى، 38%-ى ونى تاۋەلدىلىك دەپ ساناعان، 9 %-ى ونى جازىلمايتىن اۋرۋ دەسە، رەسپوندەنتتەردىڭ قالعان 6 %-ى وزدەرىنىڭ شىلىم تارتۋعا قاتىستى ناقتى ويلارىن انىقتاي الماعان.
رەسپوندەنتتەردىڭ 12% — ى تەمەكىنى تاستاۋ وڭاي، 56% — ى قيىن دەپ سانايدى، 4% - ى مۇمكىن ەمەس دەپ سانايدى، 28% - ى بۇل تۋرالى ويلانىپ تا كورمەپتى. سونىمەن بىرگە، رەسپوندەنتتەردىڭ 21% - ى تەمەكىنى تاستاۋعا تىرىسقان، ءبىراق بۇل ويلارى ءساتسىز اياقتالسا كەرەك. رەسپوندەنتتەردىڭ 30% - ى تەمەكى شەگۋدەن باس تارتۋعا كومەك كورسەتۋ ورتالىقتارىنىڭ بار ەكەنىن بىلسە، 70% - ى بۇل تۋرالى حابارلارى جوق.
ايتا كەتەتىنى، تەمەكى شەگۋدىڭ دەنساۋلىققا زيانى تۋرالى جاقسى حاباردار بولا تۇرا، ادامداردىڭ از عانا بولىگى نيكوتينگە تاۋەلدىلىكتەن ارىلۋعا تىرىسادى ەكەن. ادام تەمەكىنى تۇتىرنۋدىڭ دەنساۋلىققا تيگىزەتىن زياننىڭ زاردابىن تۇسىنبەيدى نەمەسە اۋرۋ ونى اينالىپ وتەدى دەپ ويلايدى، بولماسا تەمەكى شەگۋ ادەتىنىڭ كۇشتىلىگى سونشالىق، ودان ارىلۋعا مۇمكىندىك جوق دەپ سانايدى.
سوندىقتان، تەمەكى شەگۋدەن باس تارتۋ كۇنى اياسىندا كوپتەگەن ەلدەردە دەنساۋلىق ساقتاۋ مەكەمەلەرىنىڭ بەلسەندىلەرى مەن وكىلدەرى حالىقتى نيكوتيننىڭ زيانى جانە تەمەكى شەگۋدەن باس تارتۋ تاسىلدەرى تۋرالى اقپاراتتاندىرۋعا ارنالعان ءتۇرلى اعارتۋشىلىق، قايىرىمدىلىق جانە باسقا دا ءىس-شارالار وتكىزەدى.