جەر قويناۋىن پايدالانۋشىلاردىڭ، ياحتا مەن جەكە ۇشاقتارعا دا سالىق مولشەرلەمەسى ارتادى.
بۇل ماسەلەلەر بۇگىن ۇكىمەت ساعاتىندا تالقىلانىپ جاتىر، دەپ حابارلايدى Almaty-akshamy.kz.
جيىن پرەزيدەنت جولداۋىن ىسكە اسىرۋ شەڭبەرىندە سالىق ساياساتىنىڭ جانە سالىقتىق اكىمشىلەندىرۋدى جاڭعىرتۋدىڭ نەگىزگى تاسىلدەرى مەن تۇجىرىمدامالىق ماسەلەلەرىنە ارنالعان. ەسكە سالساق، بۇعان دەيىن ءماجىلىس دەپۋتاتتارى قۇمار ويىنداردىڭ سالىعىن سىنعا العان ەدى. ياعني بۋكمەكەرلىك بيزنەستىڭ تابىسى بەس جىلدا 35 ەسە وسكەن. جىل سايىن ميلليارداتاعان تابىس تاۋىپ وتىرعان ويىن سالاسىنىڭ ەندى تولەيتىن سالىعى دا وسەدى. بۇدان باسقا، ءتيىمسىز سالىق جەڭىلدىكتەرىن وڭتايلاندىرۋ جانە ولاردىڭ تيىمدىلىگىنە مونيتورينگ ساپاسىن ارتتىرۋ بويىنشا جۇمىس ءجۇرىپ جاتىر.