قالامگەر بۇل ۇيدە 1987-1999 جىلدارى تۇرعان.
بەلگىلى قوعام قايراتكەرى، قالامگەر-عالىم اقسەلەۋ سەيدىمبەكتىڭ تۇرعان ۇيىنە مەموريالدىق تاقتا ورناتىلدى، دەپ حابارلايدى Almaty-akshamy.kz
بۇگىن الماتىدا كورنەكتى جازۋشى، اعارتۋشى-عالىم، ەتنوگراف، قازاقستاننىڭ ەڭبەك سىڭىرگەن قايراتكەرى، مەملەكەتتىك سىيلىقتىڭ لاۋرەاتى اقسەلەۋ سلان ۇلى سەيدىمبەكتىڭ تۇرعان ۇيىنە ورناتىلعان مەموريالدىق تاقتانى جازۋشى-دراماتۋرگ كادىربەك سەگىزبايەۆ پەن الماتى قالاسى اكىمىنىڭ ورىنباسارى ارمان قىرىقبايەۆ سالتاناتتى تۇردە اشتى.
ەسكەرتكىش تاقتا كورنەكتى جازۋشىنىڭ الماتىدا ءوزى تۇرعان ءۇيدىڭ (المالى اۋدانى، قوجامقۇلوۆ كوشەسى، 128 ءۇيدىڭ (ايتەكە بي كوشەسىنىڭ قيىلىسى) قابىرعاسىنا ورناتىلدى.
ءىس-شاراعا قازاقستاننىڭ ونەر، مادەنيەت جانە قوعام قايراتكەرلەرى، جازۋشىنىڭ ارىپتەستەرى مەن تۋعان-تۋىستارى قاتىستى.