نەسيە "اگرارلىق كرەديتتىك كورپوراسيا" اق ارقىلى بەرىلەتىن بولادى.
بۇل باعدارلاماعا 29 ملرد تەڭگە بولىنگەن، دەپ حابارلايدى Almaty-akshamy.kz
ەڭبەك جانە حالىقتى الەۋمەتتىك قورعاۋ ۆيسە-مينيسترى ولجاس وردابايەۆتىڭ ايتۋىنشا، جاستارعا ارنالعان 2،5 پايىزدىق ميكرونەسيە بەرۋ باعدارلاماسى ناۋرىز ايىندا باستالادى.
"باعدارلاما ناۋرىز ايىندا باستالادى. قازىرگى كەزدە اكىمدىكتەرمەن كەلىسىمشارتقا قول قويۋ پروسەسى جۇرگىزىلۋدە"، - دەدى ۆيسە-مينيستر ءتىلشىنىڭ ساۋالىنا بەرگەن جاۋابىندا.
ولجاس وردابايەۆتىڭ ايتۋىنشا، ميكرونەسيەلەۋ باعدارلاماسىنا 29 ملرد تەڭگە بولىنگەن.
"بۇل 5،8 مىڭ ادامدى قامتۋعا مۇمكىندىك بەرەدى. قارىزدىڭ ەڭ جوعارى سوماسى – 5 ملن تەڭگە. نەسيەلەۋ مەرزىمى مال شارۋاشىلىعىن قوسپاعاندا، كەز كەلگەن ماقسات ءۇشىن 5 جىلعا دەيىن بولۋى مۇمكىن. بۇل قىزمەت باعىتى ءۇشىن 7 جىلعا دەيىن بولادى"، - دەپ اتاپ ءوتتى ول.
ق ر ەحاقم حالىقتى جۇمىسپەن قامتۋ دەپارتامەنتى ديرەكتورىنىڭ ورىنباسارى ايجان جاپالبايەۆانىڭ سوزىنشە، كەپىلدىككە جىلجىمايتىن مۇلىك پەن ارنايى تەحنيكا قويىلادى.