الماتىدا پاتەر ۇرىسى ۇستالدى

قالانىڭ حالىق تىعىز ورنالاسقان اۋدانىندا پاتەر ۇرىسى قىلمىس ۇستىندە ۇستالدى.

پاتەر ۇرىسى ەت ۇرلاماق بولعان كەزدە قولعا ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«34 جاستاعى د.ەسىمدى ازامات "التىن بەسىك" شاعىناۋدانىندا بولعان. ۇيلەردىڭ ءبىرىنىڭ اشىق تۇرعان قاقپاسىن بايقاپ، باعالى زاتتاردى ىزدەپ ىشكە كىرەدى، توڭازىتقىشتىڭ دا ءىشىن قارايدى. وندا بەس قاپ ەت بولدى. بوتەننىڭ مۇلكىن جاسىرىن تۇردە ۇرلاۋ تۋرالى قىلمىستىق نيەت سول مەزەتتە پايدا بولدى. ەت سالىنعان قاپشىقتاردى سۋىرىپ الىپ جاتقان د. ەسىمدى ازامات قىلمىس ورنىندا ۇستالدى. جاۋاپ الۋ كەزىندە ۇستالعان ازاماتتىڭ تاعى ءبىر پاتەر ۇرلىعىنا قاتىسى بار ەكەندىگى بەلگىلى بولدى. بىرنەشە ساعات بۇرىن ەر ادام سول ىقشاماۋدانداعى ۇيگە ءۇنسىز كىرىپ، بىرەۋدىڭ قىستىق ەتىگىن ۇرلاپ كەتكەن»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

كۇدىكتى ءوز كىناسىن مويىندادى. وسى دەرەكتەر بويىنشا قىلمىستىق ىستەر تىركەلىپ، ق ر قك-نىڭ 188-بابى 3-بولىگى (ۇرلىق) بويىنشا ءبىر وندىرىسكە بىرىكتىرىلدى. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. پاتەر ۇرىسىنىڭ قالادا جاسالعان وسىعان ۇقساس باسقا دا قىلمىستارعا قاتىسى بار-جوعى تەكسەرىلىپ جاتىر.