مەملەكەت باسشىسى ق ر پارلامەنتى پلاتفورماسىندا قازاقستان حالقىنا جاساعان ۇندەۋىنە ق ر سەنات دەپۋتاتى نۇرتورە ءجۇسىپ ءوز پىكىرىن ءبىلدىردى، دەپ حابارلايدى اlmaty-akshamy.kz
قازاقستان پرەزيدەنتى ق.ك.توقايەۆ ءماجىلىس وتىرىسىندا ءسوز سويلەدى. ەلدىڭ ەڭ وزەكتى ماسەلەلەرى ورتاعا سالىندى. حالىقتىڭ جاعدايىن جاقسارتۋعا باعىتتالعان ماڭىزدى تاپسىرمالار بەردى.
ءبىرىنشى كەزەكتە تاۋەلسىزدىكتى نىعايتۋ، بۇل ءۇشىن اسكەردى كۇشەيتۋ، ءبىلىمدى ارتتىرۋ، حالىقتىڭ تابىسىن كوتەرۋ، وڭدەۋ جانە تاۋ-كەن ءوندىرىسىن، اۋىلشارۋاشىلىعىن دامىتۋ، ينفلياسيانى اۋىزدىقتاۋ، كۆازيمەملەكەتتىك سەكتوردى رەتتەۋ جانە تاعى باسقا سالالارعا قاتىستى ناقتى تاپسىرما بەردى.
"قازاقستان حالقىنا" الەۋمەتتىك-قوعامدىق قورى اشىلادى. ونىڭ قارجىسى قاتەرلى اۋرۋعا شالدىققانداردىڭ قىمبات ەمىنە، وپەراسياسىنا، بالالارعا، بۇقارالىق سپورتتى دامىتۋعا ارنالعان كەشەندەر سالۋعا، قىزمەتتىك بورىشىن اتقارا ءجۇرىپ وپات بولعان قۇقىق قورعاۋ، اسكەري، ازاماتتىق قىزمەتكەرلەردىڭ وتباسىنا كومەكتەسۋگە، زارداپ شەككەن ايماقتارعا كومەككە جۇمسالادى.
قارجىلاندىرۋ جەكە جانە مەملەكەتتىك قارجى كوزدەرىنەن، شەتەلدىك قايىرىلىمدىلىق قورلارىنان بولادى. بايلىعى اسىپ-تاسىعان وليگارحتار جىل سايىن قارجى قۇيۋى كەرەك. بۇل وتە وزەكتى ماسەلە. «سامۇرىق-قازىنا» قورىن رەفورمالاۋ قاجەت، جاساي الماساق، ونىڭ ەكونوميكامىزعا قاجەتى جوق، - دەدى.
ەلدەگى ەڭ ۇلكەن ۇلتتىق كومپانيالار جۇمىسى سىنعا الىندى.
«سامۇرىق-قازىنا» قورىنىڭ ساتىپ الۋلارىنا قاتىستى شاعىمدار ءجيى كەلىپ تۇسەدى. قوردىڭ اكتيۆى جالپى ىشكى ءونىمنىڭ 60 پايىزىنا جۋىعىن قۇرايدى. ءبىراق قور ۇلتتىق بايلىقتى ارتتىردى ما؟ قوردىڭ ۇلكەن جالاقى الاتىن باسشىلارى، قىزمەتكەرلەرى نەمەن اينالىسادى؟ كۆازيمەملەكتتىك سەكتوردى تۇبەگەيلى وزگەرتۋدى تاپسىرامىن. ەگەر ونى رەفورمالاي الماساق، ونداي قوردىڭ ءبىزدىڭ ەكونوميكامىزدا بولماعانى دۇرىس»، - دەدى مەملەكەت باسشىسى ءماجىلىستىڭ جالپى وتىرىسىندا سويلەگەن سوزىندە.
مەملەكەت باسشىسى مالىمدەمەسىن تاريحي سوزبەن تۇيىندەدى. "جاڭا قازاقستاندى" بىرگە قۇرايىق!" - دەدى. بۇل جاڭا وزگەرىستەردىڭ باستالاتىندىعىن اڭعارتادى.