كەلەشەك ءۇشىن جاسالعان ۇلكەن يگىلىك.
قازاقستان سەناتىنىڭ دەپۋتاتى نۇرتورە جۇسىپكە پرەزيدەنت قاسىم-جومارت توقايەۆتىڭ حالىققا جاساعان جولداۋىندا ايتىلعان ۇسىنىستار ۇناعان. بۇل تۋرالى سەناتور ءوز Facebook پاراقشاسىندا جازدى، دەپ حابارلايدى Almaty-akshamy.kz.
«قازاقستان رەسپۋبليكاسى پرەزيدەنتى قاسىم-جومارت توقايەۆ بيىلعى جولداۋىندا مادەنيەت سالاسىنا ەرەكشە كوڭىل ءبولدى. مادەنيەت، ونىڭ ىشىندە كىتاپحانا ماماندارىنىڭ جالاقىسىن 2022-2025 جىلدارى ارالىعىندا ءار جىلى 20%-عا كوتەرۋ تۋرالى ناقتى ۇسىنىستار جاسادى. قازاققا سانالى دا ساپالى ۇرپاق كەرەك! وسى ورايدا مەملەكەت باسشىنىڭ كىتاپحانا ىسىنە ايرىقشا ءمان بەرىپ، قولداۋ كورسەتۋى - كەلەشەك ءۇشىن جاسالعان ۇلكەن يگىلىك! كىتاپحاناشىلار مارتەبەسىن كوتەرۋ - ءبىلىمدى ۇرپاققا جول اشۋ! ءبىزدىڭ بىرنەشە مارتە وسى ماسەلە تۋرالى جولداعان دەپۋتاتتىق ساۋالىمىز اياقسىز قالمادى. پرەزيدەنتتىڭ ءوز جولداۋىندا تىكەلەي قولداۋ ءبىلدىرۋىن جاقسى جاڭالىققا بالاپ وتىرعان جايىمىز بار!» – دەپ جازدى سەناتور.