نۇرتورە ءجۇسىپ ءموبيلدى كيىز ۇيلەر شىعارۋدى ۇسىندى

پارلامەنت سەناتىندا سونداي-اق جىلجىمالى كيىز ۇيلەردىڭ ءوندىرىسىن قولعا الۋ ۇسىنىلدى.

دەپۋتات نۇرتورە ءجۇسىپتىڭ ايتۋىنشا، پلاستيك ماتەريالداردان ءۇي سالۋ قيىن ەمەس. «جىلجىمالى باسپانادا توتەنشە جاعداي كەزىندە كۇنەلتۋگە بولادى دەيدى»، - سەناتور.

سونداي-اق، ول ءتۇرلى تابيعي اپات كەزىندە قازاقستاندىقتاردىڭ قاۋىپسىزدىگى ماسەلەسىن قوزعادى. اپات بولعان جاعدايدا، ەل ىشىندە دۇربەلەڭ بولماس ءۇشىن قانداي امال-ايلا بار ەكەنىن دەپۋتاتتىق ساۋالىندا سۇرادى، دەپ حابارلايدى Almaty-akshamy.kz 24.kz-كە سىلتەمە جاساپ. 

«ۇشتوبەدە ءبىر كەزدەرى كيىز ءۇي شىعاراتىن زاۋىت جۇمىس ىستەگەن، ءقازىر ول جابىلدى. بۇگىندە كيىز ءۇيدى تەك قانداستاردان تابۋعا بولادى. نەگە قازاقستاندا جىلجىمالى كيىز ءۇي ءوندىرىسىن قولعا الماسقا؟ ساياحاتقا، قونىس اۋدارۋعا ىڭعايلى باسپانا جاساۋ ءۇشىن زاماناۋي تەحنولوگيالاردىڭ جەتىستىكتەرىن پايدالانۋ كەرەك. ءقازىر مۇنداي ءۇيدى جەڭىل تەمىردەن نەمەسە پلاستيكالىق ماتەريالداردان سالۋ وڭاي. وسىنداي جىلجىمالى ۇيلەردى اۆاريالىق جاعدايلاردا تۇراقتى پايدالانۋ مۇمكىندىگىن نەگىزگە الۋ كەرەك»، - دەدى ق ر پارلامەنتى سەناتىنىڭ دەپۋتاتى نۇرتورە ءجۇسىپ.