استانا قالاسىنىڭ اكىمى اۋىستى

جەڭىس قاسىمبەك استانا قالاسىنىڭ اكىمى لاۋازىمىنا تاعايىندالدى.

بۇل تۋرالى اقوردانىڭ رەسمي سايتىندا جاريالاندى، دەپ حابارلايدى Almaty-akshamy.kz.

«جەڭىس ماحمۇد ۇلى قاسىمبەك استانا قالاسىنىڭ اكىمى لاۋازىمىنا تاعايىندالسىن»، - دەلىنگەن پرەزيدەنت قول قويعان جارلىقتا.

جەڭىس ماحمۋد ۇلى قاسىمبەك 1975 جىلى جامبىل وبلىسىندا دۇنيەگە كەلدى. قازاق مەملەكەتتىك ساۋلەت-قۇرىلىس اكادەمياسىن «ساۋلەتشى-ديزاينەر» ماماندىعى بويىنشا، 2001 جىلى ل. گۋميليەۆ اتىنداعى ەۋرازيا مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا اياقتادى.

ەڭبەك جولىن 1997 جىلى قازاق مەملەكەتتىك ساۋلەت-قۇرىلىس اكادەمياسىندا تاعىلىمگەر-زەرتتەۋشى بولىپ باستاعان.

1998-2000 جىلدارى ق ر مونوپولياعا قارسى ساياسات جونىندەگى كوميتەتىنىڭ ءبولىمىن باسقاردى.

ق ر ككم سۋ كولىگى دەپارتامەنتىنىڭ ديرەكتورى بولىپ جۇمىس ىستەگەن.

2004 جىلدان 2005 جىلعا دەيىن «اقتاۋ حالىقارالىق تەڭىز ساۋدا پورتى» رمك ديرەكتورى بولدى.

2005 جىلعى قاراشادا كولىك جانە كوممۋنيكاسيا ۆيسە-مينيسترى بولىپ تاعايىندالدى. سودان كەيىن كولىك جانە كوممۋنيكاسيا مينيسترلىگىنىڭ جاۋاپتى حاتشىسى بولدى. كەيىنىرەك كولىك جانە كوممۋنيكاسيا ءمينيسترى قىزمەتىن اتقارعان. بۇدان كەيىن ينۆەستيسيالار جانە دامۋ ءمينيسترى، يندۋستريا جانە ينفراقۇرىلىمدىق دامۋ ءمينيسترى بولىپ جۇمىس ىستەدى.

2019 جىلعى 25 اقپاندا ق ر پرەمەر-مينيسترىنىڭ ورىنباسارى بولدى.

2019 جىلعى 19 قىركۇيەكتە قاراعاندى وبلىسىنىڭ اكىمى بولىپ تاعايىندالدى.