الماتىدا ماسساج سالونىندا 15 جەزوكشە قىزمەت كورسەتكەن.
الماتىدا ينتيمدىك قىزمەت كورسەتىلگەن جەزوكشەلەر ءۇيى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«سالون رەيدتىك ءىس-شارانىڭ ناتيجەسىندە انىقتالدى. تەكسەرۋ كەزىندە سالوندا 15 جەڭىل ءجۇرىستى ايەل مەن ولاردىڭ كليەنتتەرى بولعان. ولاردىڭ جەكە باسىن انىقتاۋ جانە قانداي دا ءبىر زاڭسىز ارەكەتتەرگە قاتىسى بار-جوعىن تەكسەرۋ ءۇشىن كۇدىكتىلەر ءبىزدىڭ بولىمشەگە جەتكىزىلدى. سالون قىزمەتكەرلەرى – باسقا جاقتان كەلگەندەر، ولار الماتىدا تىركەۋسىز بولعان. ولاردىڭ ارەكەتى ق ر اقبك-نىڭ 492-بابىنا سايكەس سارالانادى. اكىمشىلىك ءىستىڭ ءتيىستى ماتەريالدارى جيناقتالدى»، – دەدى بوستاندىق اۋداندىق پوليسيا باسقارماسىنىڭ باستىعى ماقسات قاناپيايەۆ.