نۇرتورە ءجۇسىپ جاڭا قىزمەتكە باردى

نۇرتورە ءجۇسىپ سەناتتاعى الەۋمەتتىك-مادەني دامۋ جانە عىلىم كوميتەتىنىڭ ءتوراعاسى بولدى

سەناتتىڭ جالپى وتىرىسىندا پالاتانىڭ الەۋمەتتىك-مادەني دامۋ جانە عىلىم كوميتەتىنىڭ ءتوراعاسى قىزمەتىنە نۇرتورە ءجۇسىپ سايلاندى، دەپ حابارلايدى اlmaty-akshamy.kz قازاقپاراتقا سىلتەمە جاساپ.

نۇرتورە بايتىلەس ۇلى ءجۇسىپ 1961 جىلى 29 ساۋىردە قىزىلوردا وبلىسى شيەلى اۋدانى كەردەلى كەنتىندە دۇنيەگە كەلگەن.

1984 جىلى كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.

ەڭبەك قىزمەتىنىڭ ءبىرىنشى ساتىسىن پاۆلودار وبلىستىق «سارىارقا سامالى» گازەتى اگروونەركاسىپ ءبولىمىنىڭ ءجۋرناليسى بولىپ باستادى. بۇل گازەتتە كولىك جانە كوممۋنيكاسيا ءبولىمىنىڭ مەڭگەرۋشىسى، باس رەداكتوردىڭ ورىنباسارى بولىپ جۇمىس ىستەدى.

1990-1996 جىلدارى – «ەگەمەن قازاقستان» رەسپۋبليكالىق گازەتىنىڭ اعا ءتىلشىسى، باس رەداكتورىنىڭ ەكونوميكالىق ماسەلەلەر جونىندەگى ورىنباسارى.

1996-2002 جىلدارى – «جاس الاش»، «اق جول قازاقستان»، «ەگەمەن قازاقستان»، «استانا حابارى» گازەتتەرىنىڭ باس رەداكتورى.

2008-2019 جىلدارى – «AIQYN» رەسپۋبليكالىق قوعامدىق-ساياسي كۇندەلىكتى گازەتىنىڭ باس رەداكتورى.

2019 جىلعى 12 تامىزداعى قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى.