اسلامبەك مەرعالييەۆ سايلاندى.
بۇگىن سەناتتىڭ جالپى وتىرىسىندا ق ر جوعارعى سوتىنىڭ ءتوراعاسى بولىپ اسلامبەك مەرعالييەۆ سايلاندى، دەپ حابارلايدى Almaty-akshamy.kz.
كونستيتۋسياعا سايكەس، مەملەكەت باسشىسىنىڭ ۇسىنۋىمەن ەلىمىزدىڭ جوعارعى سوتىنىڭ ءتوراعاسىن قىزمەتىنەن بوساتۋ جانە سايلاۋ، سونداي-اق ونىڭ انتىن قابىلداۋ سەناتتىڭ قاراۋىنا جاتادى.
وسى ورايدا ق ر پرەزيدەنتى اكىمشىلىگىنىڭ باسشىسى مۇرات نۇرتىلەۋ جوعارعى سوتىنىڭ ءتوراعاسى لاۋازىمىنا ا. مەرعالييەۆتى سايلاۋ تۋرالى مەملەكەت باسشىسىنىڭ ۇسىنىمىن تانىستىردى.
«20 جىلدان استام سوت جۇيەسىندە بەنسەندى قىزمەت ەتىپ كەلەدى. تاجىريبەسى مول، بىلىكتى مامان. 2020 جىلعى جەلتوقسان ايىنان باستاپ اقتوبە وبلىستىق سوتىنىڭ ءتوراعاسى لاۋازىمىن اتقاردى»، - دەدى م. نۇرتىلەۋ.
سەناتتىڭ جالپى وتىرىسىندا پالاتا دەپۋتاتتارى اتالعان ۇسىنىمعا قولداۋ ءبىلدىرىپ، جوعارعى سوتتىڭ جاڭا ءتوراعاسىن بەكىتتى.
ءوز كەزەگىندە اسلامبەك مەرعالييەۆ ق ر جوعارعى سوتىنىڭ ءتوراعاسى رەتىندە انت بەردى.
اسلامبەك مەرعالييەۆ 1972 جىلدىڭ 2 ساۋىرىندە پاۆلودار وبلىسى ەرتىس اۋدانى قاراقۇدىق اۋىلىندا تۋعان.
1999 جىلى زاڭگەر ماماندىعى بويىنشا ىستامبۇل مەملەكەتتىك ۋنيۆەرسيتەتىن بىتىرگەن.
سوت سالاسىندا 2001 جىلدان بەرى قىزمەت ىستەپ كەلەدى.
2001-2003 ج.ج. - پاۆلودار وبلىستىق سوتىنىڭ باس مامانى؛
2003-2007 ج.ج. - پاۆلودار قالالىق سوتىنىڭ سۋدياسى؛
2007-2008 ج.ج. - پاۆلودار وبلىسى ەكىباستۇز قالاسىنىڭ مامانداندىرىلعان اكىمشىلىك سوتىنىڭ ءتوراعاسى؛
2008-2012 ج.ج. - پاۆلودار وبلىسى ەكىباستۇز قالالىق سوتىنىڭ ءتوراعاسى؛
2012 -2014 ج.ج. - پاۆلودار قالالىق №2 سوتىنىڭ ءتوراعاسى؛
2014 جىلدىڭ 17 ماۋسىمىنان 2015 جىلدىڭ 18 جەلتوقسانىنا دەيىن - سولتۇستىك قازاقستان وبلىستىق سوتىنىڭ قىلمىستىق ىستەر بويىنشا اپەللياسيالىق سوت القاسىنىڭ ءتوراعاسى قىزمەتىن اتقارعان.
2015 جىلدان 2020 جىلعا دەيىن قوستاناي وبلىستىق سوتىنىڭ ءتوراعاسى قىزمەتىن اتقاردى.
2020 جىلدىڭ 31 جەلتوقسانىنان باستاپ بۇگىنگە دەيىن اقتوبە وبلىستىق سوتىنىڭ ءتوراعاسى بولىپ جۇمىس ىستەگەن.