بيىل ەريەۆاندا وتەتىن Junior Eurovision-2022 بايقاۋىنا قازاقستاننان داۆيد چارلين قاتىسادى. ول - «Baqytty Bala-2022» IV حالىقارالىق بايقاۋىنىڭ ءفيناليسى. قازاقستاندىقتار جاس ونەرپازىمىزدى فينالدا جانە ودان كەيىن دە داۋىس بەرۋ ارقىلى ونەرپازعا ەكى جولمەن قولداۋ كورسەتە الادى. ول ءۇشىن:
- https://junioreurovision.tv/ نەمەسە https://jesc.tv/ سىلتەمەسىنە ءوتۋ؛
- بايقاۋدىڭ بارلىق قاتىسۋشىسىنىڭ كومپوزيسياسى بار قىسقا بەينەروليكتى كورۋ؛
- داۆيد ءچارليندى جانە ءوزىڭىز داۋىس بەرگىڭىز كەلگەن تاعى ەكى قاتىسۋشىنى تاڭداۋ؛
- پاراقشانىڭ تومەنگى تۇسىندا «داۋىستى قابىل الۋ» نەمەسە «Submit my votes» باتىرماسىن باسۋ قاجەت. داۋىس بەرۋ - تەگىن.
داۋىس بەرۋدىڭ ءبىرىنشى كەزەڭى 10 جەلتوقساندا استانا ۋاقىتىمەن ساعات 01:00-دە باستالىپ، 11 جەلتوقسان كۇنى ساعات 20:59-دا اياقتالادى. داۋىس بەرۋدىڭ ەكىنشى كەزەڭى سايتتا قاتىسۋشىلار ونەر كورسەتىپ بولعاننان كەيىن 15 مينۋتقا عانا قولجەتىمدى بولادى.
Junior Eurovision 2022 حالىقارالىق بايقاۋىنىڭ گراند-فينالى 11 جەلتوقسان كۇنى ەريەۆاندا وتەدى. داۆيد ءچارليننىڭ ونەرىن «حابار» تەلەارناسىنىڭ تىكەلەي ەفيرىنەن 11 جەلتوقساندا استانا ۋاقىتى بويىنشا ساعات 21:00-دە تاماشالاۋعا بولادى. بايقاۋدا قازاقستاندىق ءانشى 3ء-شى بولىپ ونەر كورسەتىپ، «جەر-انا» اتتى جاڭا كومپوزيسيانى ورىندايدى.
Junior Eurovision 2022 بايقاۋىنا قازاقستاننان باسقا ەۋروپانىڭ 15 مەملەكەتىنىڭ جاس ورىنداۋشىسى قاتىسادى. ەلىمىزدىڭ وسىناۋ اۋقىمدى بايقاۋعا قاتىسۋى «حابار» اگەنتتىگىنىڭ 2016 جىلى ەۋروپالىق حابار تاراتۋ وداعىنا (ەۆU) مۇشەلىككە قابىلدانۋىنىڭ ارقاسىندا مۇمكىن بولىپ وتىر.
اتالمىش بايقاۋدىڭ جەڭىمپازى ۇلتتىق ءجيۋريدىڭ داۋىس بەرۋى جانە ونلاين-داۋىس بەرۋ ارقىلى انىقتالادى. داۋىس بەرۋ جۇيەسى بۇرىنعىداي: 50% قازىلار القاسى شەشەدى جانە 50% تەلەكورەرمەننىڭ ونلاين-داۋىس بەرۋىنە بايلانىستى بولادى.
الدىڭعى جىلدارى ونەرپازدارىمىز ۇلتتىق جيۋريدەن جوعارى باللعا يە بولعانىمەن، قازاقستاندىق كورەرمەندەر بەلسەندىلىگىنىڭ تومەندىگىنەن باس جۇلدەنى يەلەنە الماي قالىپ ءجۇر. سوندىقتان سىزدەردى قازاقستانعا، داۆيد چارلينگە بەلسەندى تۇردە داۋىس بەرۋگە شاقىرامىز.