قازىرگى زامانعى رەاكتورلاردىڭ نەگىزگى ەرەكشەلىگى – سىرتقى جانە ىشكى توتەنشە جاعدايلاردا قوندىرعىنىڭ تۇراقتىلىعىن جوعارى دەڭگەيدە قامتاماسىز ەتەتىن بەلسەندى جانە ءپاسسيۆتى قاۋىپسىزدىك جۇيەلەرىنىڭ ۇيلەسىم تاباتىنى.
بۇل جۇيەلەر كەز كەلگەن ىقتيمال توتەنشە جاعدايلاردا ءتيىمدى ارەكەت ەتە الادى. سونىمەن قاتار، راديواكتيۆتى قالدىقتارمەن جۇمىس جونىندەگى قولدانىستاعى زاڭنامادا اتوم ەلەكتر ستانسيالارى مەن باسقا دا سالالاردا، ونىڭ ىشىندە مەديسينا، ونەركاسىپ جانە عىلىمي زەرتتەۋلەردە ولاردى ءقاۋىپسىز ساقتاۋعا قويىلاتىن تالاپتار ناقتى رەتتەلگەن.
بۇل تالاپتار حالىقارالىق ستاندارتتارعا ساي جانە قازاقستاننىڭ ەكولوگيالىق قاۋىپسىزدىگىن نىعايتۋعا باعىتتالعان ماڭىزدى قادام.
اەس قۇرىلىسى ەلدىڭ ەنەرگەتيكالىق تاۋەلسىزدىگىن قامتاماسىز ەتۋدە جانە تومەن كومىرتەكتى ەكونوميكاعا كوشۋ جولىندا ماڭىزدى ءرول اتقارادى. بۇل بولاشاق ۇرپاق ءۇشىن تۇراقتى دامۋ مەن قاۋىپسىزدىكتى قامتاماسىز ەتۋ دەگەندى بىلدىرەدى.