قازىرگى تاڭدا اتوم ەلەكتر ستانسياسىن (اەس) سالۋ ماسەلەسى تەك قازاقستاندا عانا ەمەس، الەمنىڭ كوپتەگەن ەلدەرىندە قارالىپ، ماڭىزدى شەشىمدەر قابىلدانۋدا.
ءبىزدىڭ دە جىلۋ ەلەكتر ستانسيالارىمىزدىڭ كوبى ەسكىرگەن. ەكىباستۇزداعى جاعدايدى ەسكە تۇسىرسەك، قىستىڭ قاتال كۇندەرىندە حالىق جىلۋسىز قالدى. وسى سەبەپتى، ەلدەگى ەلەكتر تاپشىلىعىن شەشۋ ءۇشىن اتوم ەلەكتر ستانسياسىن سالۋ وزەكتى ماسەلەگە اينالىپ وتىر.
قۋات كوزدەرىنە دەگەن سۇرانىس جىل وتكەن سايىن ارتىپ كەلەدى. ەكونوميكا دامىپ، حالىقتىڭ سانى وسكەن سايىن ەنەرگيانىڭ تاپشىلىعى قاتتى سەزىلۋدە.
الەمنىڭ دامىعان جانە دامۋشى 30 مەملەكەتىندە 200-دەن استام اتوم ەلەكتر ستانسياسى جۇمىس ىستەپ تۇر، كورشىلەس رەسەيدە دە 36 اەس بار. بۇل – بولاشاقتاعى ەلەكتر تاپشىلىعىن بولدىرماۋ ءۇشىن ماڭىزدى قادام.
6 قازاندا وسى ماسەلەگە قاتىستى جالپىحالىقتىق رەفەرەندۋم وتەدى. بۇل – حالىقتىڭ تىكەلەي قاتىسۋىمەن قابىلداناتىن شەشىم. ءار ازامات ويلانىپ، دۇرىس شەشىم قابىلداۋى قاجەت. رەفەرەندۋمنىڭ قورىتىندىسى ەلىمىزدىڭ بولاشاعىنا اسەر ەتەتىنىن ەستەن شىعارماۋىمىز كەرەك. حالىقتىڭ ەركى مەن قالاۋى – باستى ماسەلە. بۇل ساياسي شەشىمنىڭ ءمانى وسىندا.