بيىكتىگى 4376 مەتر شىڭنىڭ اتاۋىن وزگەرتۋ تۋرالى رەسمي حابارلانعان جوق.
1997 جىلدان باستاپ ىلە الاتاۋىنداعى شىڭعا قازاقستاننىڭ تۇڭعىش پرەزيدەنتىنىڭ ەسىمى بەرىلگەن، دەپ حابارلايدى Almaty-akshamy.kz
"الماتى-2023" حالىقارالىق الپينيزم ويىنىنىڭ باعدارلاماسىندا نۇرسۇلتان شىڭى اتانعان ىلە الاتاۋىنىڭ شىڭى قايتادان الماتى شىڭى دەپ اتالعانى بايقالدى.
بيىكتىگى 4376 مەتر بولاتىن شىڭنىڭ اتاۋىن وزگەرتۋ تۋرالى رەسمي تۇردە ەشكىم حابارلاعان جوق. دەگەنمەن 8-9 شىلدەدە وتكەن "الماتى-2023" حالىقارالىق الپينيزم باعدارلاماسى تاۋ شىڭىنىڭ 2023 جىلدان باستاپ قايتادان "الماتى شىڭى" دەپ اتالاتىنىن كورسەتتى.
"مەرەكە اياسىندا الماتى قالاسىنىڭ اتى اڭىزعا اينالعان شىڭى – الماتى شىڭىنا (1930-1935 جىلدارى – الماتى شىڭى، 1935-1997 جىلدارى – كومسومول شىڭى، 1997-2023 جىلدارى – نۇرسۇلتان) 4376 مەتر بيىگىنە كوتەرىلۋ بولادى"، - دەلىنگەن سپورت شاراسىنىڭ باعدارلاماسىندا.
قازاق الپينيستەرى ۇنەمى شىعىپ تۇراتىن شىڭنىڭ بۇرىن دا اتاۋلارى كوپ بولعان. ولاردىڭ ءبىرىنشىسى "كىشى الماتى شىڭى" بولىپ سانالادى. 1997 جىلدان باستاپ تاۋعا قازاقستاننىڭ تۇڭعىش پرەزيدەنتىنىڭ ەسىمى بەرىلدى.