نۇرسۇلتان نازاربايەۆ اكادەميك ءنادىر ءنادىروۆتىڭ وتباسىنا كوڭىل ايتتى

ءنادىر ءنادىروۆ – قازاق  كسرنىڭ ەڭبەگى سىڭگەن عىلىم قايراتكەرى. قازاقستان ءبىلىم بەرۋ ءىسىنىڭ قۇرمەتتى قىزمەتكەرى.

قازاقستاننىڭ جانە كسرونىڭ قۇرمەتتى مۇنايشىسى. قازاقستاننىڭ قۇرمەتتى ازاماتى. قازاقستاننىڭ قۇرمەتتى ينجەنەرى.
قازاقستاننىڭ تۇڭعىش پرەزيدەنتى اكادەميك ءنادىر ءنادىروۆتىڭ قايتىس بولۋىنا بايلانىستى مارقۇمنىڭ وتباسىنا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz

ەlbasy.kz  سايتىنىڭ حابارلاۋىنشا، ەلباسى كورنەكتى عالىم، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى ءنادىر كارىم ۇلى ءنادىروۆتىڭ قايتىس بولعانى تۋرالى سۋىت حاباردى كۇيزەلىسپەن قابىلداعان.

«ءنادىر كارىم ۇلى سانالى عۇمىرىن مۇناي عىلىمى مەن ينجەنەرلىك سالانى دامىتۋعا ارناپ، كاسىبي بيىك بەلەستەردى باعىندىردى جانە عىلىمي قوعامداستىق تاراپىنان كەڭىنەن مويىندالدى. ول شەبەر ۇيىمداستىرۋشى ءارى بەدەلدى ۇستاز رەتىندە عالىمدار مەن پەداگوگ مامانداردىڭ تۇتاس بۋىنىن تاربيەلەدى. «باربانگ» قازاقستان كۇردتەرى قاۋىمداستىعىنىڭ قۇرمەتتى پرەزيدەنتى كەزىندە ەلىمىزدەگى قوعامدىق كەلىسىم مەن ۇلتارالىق تاتۋلىقتى نىعايتۋعا زور ۇلەس قوستى»، – دەلىنگەن جەدەلحاتتا.