الماتى وبلىسىنىڭ قاي جەرىنەن ءۇاااج وتەدى؟

ءۇاااج قۇرىلىسى تاۋلىك سايىن شامامەن 200 مىڭ كولىك كىرەتىن الماتى قالاسىنىڭ كوشە-جول جەلىسىنە كولىك جۇكتەمەسىن ازايتۋ ءۇشىن 2018 جىلى باستالدى.

ءۇاااج ۇزىندىعى 66 شاقىرىمدى قۇرايدى، دەپ حابارلايدى Almaty-akshamy.kz ق ر ييدم تەلەگرام كانالىنا سىلتەمە جاساپ.

جول الماتى وبلىسىنىڭ قاراساي، ىلە جانە تالعار اۋداندارىنىڭ اۋماعى ارقىلى وتەدى، الماتى قالاسىنان شىعاتىن 7 نەگىزگى جولدى: ۇزىناعاش، بىشكەك، نۇر-سۇلتان، كومسومول، قاپشاعاي، سونداي-اق، قۇلجا مەن تالعار تراكتىلەرىن كەسىپ وتەدى.

جوبا اياسىندا 7 كولىك ايىرىعىن سالۋ كوزدەلگەن. ءۇاااج بويىندا 1 شاقىرىم راديۋستا 57-گە جۋىق ەلدى مەكەن مەن باۋ-باقشا سەرىكتەستىكتەرى ورنالاسقان. الماتى جانە الماتى وبلىسىنىڭ اكىمدىكتەرى 6 راديالدى جولدى (اباي، رىسقۇلوۆ، اقىن سارا، سايىن، تىلەندييەۆ، سولتۇستىك جارتى اينالما جول) ىسكە اسىرۋدا، بۇل الماتى قالاسىنان ءۇاااج-عا شىعۋدى قامتاماسىز ەتەدى.

الماتى وبلىسى تالعار اۋدانى قىزىلتۋ 1، 2 جانە بەيبىتشىلىك اۋىلدارىنىڭ تۇرعىندارى جولدى ءبىر دەڭگەيدە قالدىرۋعا نيەت ءبىلدىردى. ءۇاااج التى جولاقتى قوزعالىسى بار جوعارى جىلدامدىقتى كۇرە جول بولىپ تابىلاتىنىن ەسكەرە وتىرىپ، «اۆتوموبيل جولدارى» قنجە 3.03-09-2006ج. سايكەس ءبىر دەڭگەيدە قيىلىستار ورناتۋعا جول بەرىلمەيدى. وسى ورايدا اعىمداعى جىلدىڭ 19 تامىزىندا تالعار اۋدانى اكىمىنىڭ ورىنباسارى ە.تولقىنوۆ جانە «الاركو – ماكيول – سك» مەردىگەرلىك ۇيىمىنىڭ وكىلدەرى بەيبىتشىلىك جانە قىزىل-تۋ اۋىلدارىنىڭ تۇرعىندارى ءۇشىن جەرگىلىكتى جول ءجۇرۋدى قامتاماسىز ەتۋ بويىنشا ءتۇسىندىرۋ جۇمىستارىن جۇرگىزدى.