تىكەلەي ەفيردە وتەتىن فورۋمعا الماتىنىڭ اكىمى باقىتجان ساعىنتايەۆ پەن ق ر ءبىلىم جانە عىلىم ءمينيسترى اسحات ايماعامبەتوۆ قاتىسادى.
25 تامىز كۇنى ساعات 11:30-دا «الماتى» ارناسىنىڭ تىكەلەي ەفيرىندە «الماتى ءبىلىم بەرۋ فورۋمى: ءبىلىم ساپاسى، بالا دەنساۋلىعى مەن وتباسىنىڭ ءرولى» جايىندا قالالىق فورۋمى وتەدى، دەپ حابارلايدى Almaty-akshamy.kz
«الماتى» ارناسىنىڭ مالىمەتىنشە، فورۋم تالقىلاۋىنا حالىقارالىق جانە قازاقستاندىق سپيكەرلەر، ءبىلىم سالاسىنا جاڭالىق ەنگىزگەن قالا مەن ەلىمىزدىڭ ۇستازدارى، ءبىلىم جانە عىلىم مينيسترلىگىنىڭ وكىلدەرى، پارلامەنت ءماجىلىسىنىڭ دەپۋتاتتارى دا اتسالىسادى.
جيىننىڭ كۇن تارتىبىندە مىنا ماسەلەلەر قارالماق:
1) ءبىلىم بەرۋ سالاسىنداعى ساياسات؛
2) ماماندىق تاڭداۋ؛
3) وقۋشىلارعا پسيحولوگيالىق قولداۋ كورسەتۋ؛
4) كيبەرقاۋىپسىزدىك پەن ءبىلىم سالاسىنداعى باسقا دا سۇراقتار تالقىلايدى.