Nur Otan پارتياسى جاستار قاناتىنىڭ الماتى قالالىق فيليالىنىڭ ءتوراعاسى قالا تۇرعىندارىن ەگۋ پۋنكتىنە بارۋدى كەيىنگە قالدىرماۋعا شاقىردى.
Jas Otan الماتى قالالىق فيليالىنىڭ ءتوراعاسى نۇرسۇلتان بەكقايىروۆتىڭ قولىندا ۆاكسينا پاسپورتى بار. ول وتاندىق ۆاكسينانىڭ ەكى كومپونەنتىن الدى جانە وتانداستارىن كوروناۆيرۋستان قورعانۋعا شاقىرادى
ناۋرىز ايىندا Jas Otan بەلسەندىلەرىنىڭ قاتارىندا نۇرسۇلتان بەكقايىروۆ كوروناۆيرۋسقا قارسى ەكپە الۋ ءۇشىن «مەگا» سوسو-عا كەلدى.
«ءبىزدىڭ ۇلكەن توپتا قارسى كورسەتىلىمدەر بولعان جوق. دارىگەرلەر مەن مەدبيكەلەردىڭ جۇمىسى تاڭ قالدىردى. ولار ناۋقاستارمەن جەكە جۇمىس ىستەدى، قانداي جاناما اسەرلەر پايدا بولۋى مۇمكىن ەكەنىن ايتتى، ءۇش كۇن ەكپە سالعان جەرگە سۋ تيگىزبەۋ قاجەت ەكەنىن ايتتى. ءبىز ءوز ەركىمىزبەن QazVac ۆاكسيناسىنا سەنىم بىلدىردىك. دارىگەرلەر ءبىزدىڭ ۆاكسينانىڭ تانىمال رەسەيلىك ۆاكسينادان ەش ايىرماشىلىعى جوق ەكەنىن ءتۇسىندىردى»، - دەدى نۇرسۇلتان بەكقايىروۆ.
Nur Otan پارتياسى جاستار قاناتىنىڭ الماتى قالالىق فيليالىنىڭ ءتوراعاسى قالا تۇرعىندارىن ەگۋ پۋنكتىنە بارۋدى كەيىنگە قالدىرماۋعا شاقىردى، ويتكەنى بارلىعىنا بەتپەردەلەر مەن شەكتەۋلەرسىز ادەتتەگى ءومىر سالتىنا تەز ورالۋ ماڭىزدى.
«ءبىز ۆيرۋستىڭ تارالۋىن بىرگە توقتاتۋىمىز كەرەك. مۇنى تەك ۆاكسينا الۋ ارقىلى جاساۋعا بولادى. مەن دە، Jas Otan-داعى ارىپتەستەرىم دە جاناما اسەرلەردى بايقامادىق. مەن قازاقستان عالىمدارىنا سەنەمىن، سوندىقتان QazVac ۆاكسيناسىن سالدىردىم. ارينە، ەكپەگە دەيىن مەن دە جالعان اقپاراتتاردى ەستىدىم. ۆاكسينا – قاۋىپسىزدىكتىڭ ءتيىمدى قۇرالى. بۇكىل وركەنيەتتى الەمدە ۆاكسينا سالدىرۋ يدەياسى بار، ويتكەنى بۇل ىندەتتى جەڭۋدەگى ەڭ ءتيىمدى ءادىس»، - دەدى نۇرسۇلتان بەكقايىروۆ.