الماتىلىقتارمەن كوپتەگەن ماسەلەلەر بويىنشا ينتەراكتيۆتى ديالوگ جۇرگىزۋ ءۇشىن جالپى قالالىق الاڭ رەتىندە IAzamat قوسىمشاسى ىسكە قوسىلدى.
بۇگىندە الماتى اكىمدىگىنىڭ مەملەكەتتىك قىزمەتتەرىنىڭ 90%-ى ەلەكتروندى، قىزمەتتىڭ 150 ءتۇرى eGov.kz جانە ءموبيلدى قۇرىلعىلار ارقىلى قولجەتىمدى.
الماتى قالاسىنىڭ اكىمى باقىتجان ساعىنتايەۆ «الماتى» تا-داعى كەزەكتى تىكەلەي ەفير بارىسىندا ازاماتتارمەن كەرى بايلانىستى قامتاماسىز ەتۋ ءۇشىن مەملەكەتتىك قىزمەتتەر مەن سەرۆيستەردى سيفرلاندىرۋ تۋرالى ايتتى، دەپ حابارلادى Almaty-akshamy.kz.
بۇدان وزگە، «ەستيتىن مەملەكەت» قاعيداتىن قامتاماسىز ەتۋ ماقساتىندا Open Almaty قوعامدىق قابىلداۋ جۇمىس ىستەيدى. وتكەن جىلى 400 مىڭنان استام ءوتىنىش كەلىپ ءتۇستى.
اعىمداعى جىلدىڭ 5 ايىندا ءبىلىم بەرۋ، اباتتاندىرۋ، كولىك جانە جول ماسەلەلەرىنە، كارانتيندىك شەكتەۋلەرگە قاتىستى 71 مىڭنان استام ءوتىنىش كەلىپ ءتۇستى.
«ەستيتىن مەملەكەت» قاعيداتى اياسىندا تۇرعىنداردى قالانى باسقارۋعا تارتۋ بويىنشا «بيۋدجەتكە قاتىسۋ» جوباسى ىسكە اسۋدا. 2021 جىلعا 795 ۇسىنىس ءتۇستى، قورشاعان ورتانى جاقسارتۋ جانە اۋماقتاردى اباتتاندىرۋ جونىندەگى جوبالاردى قارجىلاندىرۋ بويىنشا 28 مىڭنان استام داۋىس جينالدى.
پاندەميا كەزىندە بارلىق سپورت نىساندارى، بالالار ۇيىرمەلەرى جانە جاتتىقتىرۋشىلاردىڭ مالىمەتتەرى سيفرلاندىرىلدى. meteor.almaty.e-orda.kz بالانى وليمپيادا رەزەرۆى مەكتەپتەرىنە، سپورت مەكتەپتەرى مەن ينتەرناتتارعا تىركەي الاسىز. پورتالدا سپورتتىڭ 78 ءتۇرى، 15-تەن استام ۇيىم، 855 جاتتىقتىرۋشى-وقىتۋشى ۇسىنىلعان.