Nur Otan پارتياسى الماتى قالالىق فيليالى جانىنداعى ءبىلىم مەن عىلىمدى دامىتۋ، ۇلت دەنساۋلىعى ماسەلەلەرى، وڭىرلىك دامۋ جانە جاستاردى قولداۋ جونىندەگى قوعامدىق كەڭەستەرىنىڭ بىرلەسكەن وتىرىسىندا قولجەتىمدى تۇرعىن ءۇي جانە الەۋمەتتىك نىساندار سالۋ ماسەلەلەرى قارالدى، دەپ حابارلايدى اlmaty-akshamy.kz
Nur Otan پارتياسى قالالىق فيليالى ءتوراعاسىنىڭ ورىنباسارى قايرات بيسەمبايەۆ جاستار مەن مۇقتاج وتباسىلاردى تۇرعىن ۇيمەن قامتاماسىز ەتۋ، سونداي-اق قالامىزدا الەۋمەتتىك سالانى دامىتۋ ماسەلەلەرىنە پارتيا باسا نازار اۋداراتىنىن اتاپ ءوتتى.
«ەلباسىنىڭ تاپسىرماسىنا سايكەس، پارتيانىڭ سايلاۋالدى ۋادەلەرىنىڭ ورىندالۋىن جۇيەلى باقىلاۋدى، بيۋدجەت قاراجاتىنىڭ جۇمسالۋىنىڭ تيىمدىلىگى مەن اشىقتىعىن باقىلاۋدى قامتاماسىز ەتۋ ماقساتىندا جىل باسىندا پارتيانىڭ جانىنان ءبىلىمدى دامىتۋ، دەنساۋلىق، جاستاردى قولداۋ جانە ت.ب. باعىتتار بويىنشا 9 وڭىرلىك كەڭەس قۇرىلدى»، - دەدى قايرات بيسەمبايەۆ.
الماتى قالاسى جايلى قالالىق ورتا باسقارماسىنىڭ باسشىسى س.نۇراشيەۆ وتىرىسقا قاتىسۋشىلارعا پارتيانىڭ سايلاۋالدى باعدارلامالارى مەن جول كارتاسىن ورىنداۋ بويىنشا باسقارمانىڭ 9 ايدا اتقارعان جۇمىسى تۋرالى بايانداپ بەردى. ءوز بايانداماسىندا الەۋمەتتىك نىساندار مەن تۇرعىن ءۇي قۇرىلىسىن سالۋ جانە قايتا قۇرۋ جوسپارلارى جونىندەگى ەسەپتى ۇسىندى.
جيىنعا قاتىسقان اتقارۋشى بيلىك ورگاندارى مەن كەڭەستەردىڭ وكىلدەرى قاجەتتى جانە دەرەۋ شەشىمدەر قابىلداۋدى تالاپ ەتەتىن وزەكتى ماسەلەلەردى تالقىلاپ، بارلىق جۇمىستاردى جوسپارلاۋ كەزىندە ەڭ الدىمەن قالا تۇرعىندارىنىڭ مۇددەلەرىن ەسكەرۋ كەرەكتىگىن ايتتى.
وتىرىستى قورىتىندىلاعان مودەراتور قايرات بيسەمبايەۆ باسقارما وكىلىنە بيىلعى جىلى اياقتالاتىن نىساندار قۇرىلىسىنىڭ ساپاسىن قامتاماسىز ەتە وتىرىپ، قارقىنىن ۇدەتۋدى ۇسىندى.
سونداي-اق، كەلەسى جىلدارعا وبەكتىلەردى جوسپارلاۋ جانە سالۋ كەزىندە وسى وبەكتىلەردىڭ تيىمدىلىگى مەن الەۋمەتتىك ماڭىزدىلىعىن مۇقيات تالداۋ قاجەتتىگىنە نازار اۋداردى.