ازاماتتارعا تۇرعىن ءۇي ىزدەۋگە كومەك كورسەتۋ ءۇشىن اعىمداعى جىلدىڭ قاراشا ايىندا «شاڭىراق» باعدارلاماسى بويىنشا «الما سيتي-5» تك جانە «مادەنيەت» تك سالىنعان پاتەرلەردى برونداۋعا رۇقسات بەرۋدى قامتاماسىز ەتۋ جوسپارلانۋدا، دەپ حابارلايدى اlmaty-akshamy.kz
بۇل تۋرالى وتباسى، ايەلدەر جانە بالالاردىڭ قۇقىقتارىن قورعاۋ، ەكولوگيا جانە جاستاردى قولداۋ ماسەلەلەرى جونىندەگى قوعامدىق كەڭەستەردىڭ بىرلەسكەن وتىرىسىندا قالالىق تۇرعىن ءۇي ساياساتى باسقارماسى باسشىسىنىڭ ورىنباسارى ەرمەك ءامىروۆ حابارلادى.
«2021 جىلعى 13 قازانداعى جاعداي بويىنشا، 4 ملرد. تەڭگە سوماسىنا 271 كرەديتتىك قارىز بەرىلدى»، - دەپ حابارلادى ە.ءامىروۆ. سونداي-اق، وتىرىستا جاس وتباسىلاردىڭ ءومىر ءسۇرۋ جاعدايلارىن جاقسارتۋ، ەكولوگيالىق جاعداي جانە تۇرعىن ۇيمەن قامتاماسىز ەتۋ ماسەلەلەرى قوزعالدى.
اعىمداعى جىلدىڭ باسىنان «نۇرلى جەر» تۇرعىن ۇي-كوممۋنالدىق دامۋ مەملەكەتتىك باعدارلاماسى بويىنشا 60 كوپ پاتەرلى تۇرعىن ۇيگە كۇردەلى جوندەۋ جۇرگىزىلدى.
148 تۇرعىن ۇيدە 2،5 ملرد.تەڭگەگە 315 ليفت اۋىستىرىلدى، جىل سوڭىنا دەيىن بارلىق ليفتىلەردى اۋىستىرۋدى اياقتاۋ جوسپارلانۋدا. تۇرعىنداردىڭ ءومىر سۇرۋىنە قولايلى جاعدايلاردى قامتاماسىز ەتۋ، قالانىڭ ەكولوگيالىق جاعدايىن جاقسارتۋ ماقساتىندا باسقارما تاراپىنان كەشەندى جۇمىستار جۇرگىزىلۋدە.
قالادا قتق شىعارۋدى 25 قوقىس شىعارۋشى ۇيىم جۇزەگە اسىرادى. 2021 جىلى الماتى قالاسىنىڭ اۋماعىندا 13 ستيحيالىق قوقىس ورنى دەر كەزىندە انىقتالىپ، توقتاتىلدى.
تۇرعىن ءۇي ساياساتى باسقارماسى باسشىسىنىڭ ورىنباسارى ءوز بايانداماسىندا «الماتى جاستارى» تومەن پايىزدىق مولشەرلەمەمەن تۇرعىن ءۇي باعدارلاماسىن ىسكە اسىرۋ بويىنشا جۇرگىزىلىپ جاتقان جۇمىستار تۋرالى ايتىپ بەردى. قازىرگى ۋاقىتتا 13،8 ملرد.تەڭگە سوماسىنا 837 كرەديتتىك قارىز بەرىلدى.
بۇگىنگى تاڭدا جۇمىس ىستەيتىن جاستار ءۇشىن جالعا بەرىلەتىن تۇرعىن ءۇي باعدارلاماسىن ىسكە اسىرۋ اياسىندا «الما سيتي-5» تك 1 026 پاتەردى جانە «مادەنيەت» تك 24 پاتەردى بەرۋ بويىنشا جۇمىستار جۇرگىزىلۋدە.
قورىتىندىلاي كەلە، ە.ءامىروۆ تۇرعىن ءۇي زاڭناماسىنىڭ تالاپتارىنا سايكەس، جەتىم بالالارعا كوممۋنالدىق تۇرعىن ءۇي قورىنان حالىقتىڭ الەۋمەتتىك وسال توپتارىنا بولىنگەن پاتەرلەردىڭ جالپى سانىنىڭ كەمىندە 20%-ى بولىنەتىنىن اتاپ ءوتتى.