«ەلدىكتىڭ جەتى تۇعىرى» اتتى قاعيدانى ناسيحاتتاۋدا كەڭەس مۇشەلەرى اتسالىسادى

Nur Otan پارتياسى اقف جانىنداعى جۇمىسپەن قامتۋ جانە حالىقتىڭ الەۋمەتتىك وسال توپتارىن قولداۋ جونىندەگى ايماقتىق قوعامدىق كەڭەس وتىرىسىندا ەلباسىمىز ن.ءا.نازاربايەۆتىڭ توراعالىعىمەن وتكەن Nur Otan پارتياسى ساياسي كەڭەسىنىڭ كەڭەيتىلگەن وتىرىسىنىڭ قورىتىندىسى مەن «ەلدىكتىڭ جەتى تۇعىرى» اتتى جيىنتىق قاعيداسىن Nur Otan پارتياسى الماتى قالالىق فيليالى ءتوراعاسىنىڭ ورىنباسارى ق.بيسەمبايەۆ تانىستىرىپ، ەگجەي-تەگجەيلى ءتۇسىندىرىپ ءوتتى، دەپ حابارلايدى اlmaty-akshamy.kz​

سونىمەن قاتار، بەكىتىلگەن كۇن تارتىبىنە سايكەس، جالعىز باستى ازاماتتارعا كورسەتىلەتىن كومەك پەن ولاردىڭ جاعدايى تۋرالى جانە وسال توپتاعى ازاماتتارعا اتاۋلى الەۋمەتتىك تولەم، جاردەماقى، شيپاجايعا جولداما جانە باسقا دا مەملەكەت تاراپىنان بەرىلەتىن كومەك تۋرالى ماسەلەلەرى بويىنشا الماتى قالاسى الەۋمەتتىك ءال-اۋقات باسقارماسى باسشىسىنىڭ ورىنباسارى جانىبەك قاراتايەۆ بايانداما جاسادى.

قالامىزدا جالعىز باستى ارداگەرلەرگە، زەينەتكەرلەرگە، كۇتىمگە، تۇرمىستىق جانە مەديسينالىق قىزمەت كورسەتۋگە، الەۋمەتتىك-ەڭبەكتىك بەيىمدەۋگە مۇقتاج مۇگەدەكتەرگە ستاسيونار جاعدايىندا قىزمەت كورسەتەدى. بۇگىنگى كۇندە «شاڭىراق» ورتالىعىندا 257 ادام تۇرادى. ورتالىقتا فيزيوتەراپيالىق، ەم-شارا، ستوماتولوگيالىق كابينەتتەر، ەڭبەك تەراپياسى كابينەتتەرى، سەنسورلىق بولمە، ماسساج كابينەتتەرى بار. سونداي-اق پاللياتيۆتىك ءبولىم بار، وندا ينسۋلت، ينفاركت العان 87 ادام جانە تىرەك-قيمىل اپپاراتى بۇزىلعان مۇگەدەكتەر تاۋلىك بويى باقىلاۋدا بولادى.

سونىمەن بىرگە، جالعىزباستى زەينەتكەرلەر، 1 جانە 2 توپتاعى مۇگەدەكتەر، زەينەتكەرلىك جاستاعى جالعىزباستىلار ءۇشىن «قامقور» الەۋمەتتىك ءۇيى جۇمىس ىستەيدى، وندا 47 ادام تۇرادى.

ورتالىق پسيحولوگيالىق كومەك، زاڭ كەڭەستەرى، مەديسينالىق قىزمەت كورسەتۋ، اقپاراتتىق-كونسۋلتاسيالىق قولداۋ كورسەتەدى، بوس ۋاقىت وتكىزۋ ۇيىرمەلەرى، ءبىلىم بەرۋ كۋرستارى، كاسىبي ترەنينگتەر وتكىزەدى.

از قامتىلعان حالىق ءۇشىن الەۋمەتتىك تولەمدەردىڭ قاراستىرىلعان 17 ءتۇرى بويىنشا بۇگىنگى كۇنگە 59،8 مىڭ از قامتىلعان ازاماتتار الەۋمەتتىك تولەمدەر الدى.