نۇرلان نىعماتۋلين تۇركپا-نىڭ باس حاتشىسىن قابىلدادى

تاراپتار الداعى جۇمىس باعىتتارىن تالقىلادى.

ءماجىلىس ءتوراعاسى نۇرلان نىعماتۋلين تۇركىتىلدەس ەلدەر پارلامەنتتىك اسسامبلەياسىنىڭ جاڭا باس حاتشىسى  مەحمەت سيۋرەييا ەردى قابىلدادى، دەپ حابارلايدى Almaty-akshamy.kz

وتىرىستا پالاتا سپيكەرى تۇركىستاندا تۇركپا-نىڭ Xء-شى پلەنارلىق وتىرىسىن جوعارى دەڭگەيدە وتكىزىلگەنىن، سونداي-اق، جۋىق ارادا ىستانبۇلدا وتكەن تۇركىتىلدەس مەملەكەتتەردىڭ ىنتىماقتاستىق كەڭەسىنىڭ 8ء-شى سامميتىندە تاريحي شەشىمدەر قابىلدانعانىنا نازار اۋداردى.

نۇرلان نىعماتۋلين اتاپ وتكەندەي، سونىڭ ىشىندە قازاقستاننىڭ تۇڭعىش پرەزيدەنتى، تۇركى كەڭەسىنىڭ قۇرمەتتى ءتوراعاسى نۇرسۇلتان نازاربايەۆتىڭ باستاماسىمەن تۇركىتىلدەس مەملەكەتتەر ىنتىماقتاستىعى كەڭەسىنىڭ اتاۋى «تۇركى مەملەكەتتەرى ۇيىمى» اتاۋىنا وزگەردى.

«تۇركى الەمىنىڭ كەلەشەگى - 2040» قۇجاتىنىڭ قابىلدانۋى، سونىمەن قاتار، تۇرىكمەنستاننىڭ ۇيىمعا باقىلاۋشى مارتەبەسىنە يە بولۋى ۇيىم دامۋىنداعى جاڭا كەزەڭ. ءماجىلىس ءتوراعاسى تۇركپا-نىڭ دا اتاۋىن «تۇركى مەملەكەتتەرىنىڭ پارلامەنتتىك اسسامبلەياسى» دەپ وزگەرتۋدىڭ ۋاقىتى كەلدى دەپ سانايتىنىن ايتىپ، حاتشىلىق بۇل ماسەلەنى زاڭنامالىق دەڭگەيدە قامتاماسىز ەتۋ كەرەكتىگىنە ءمان بەردى.

وتىرىس بارىسىندا تۇركپا-عا قاتىسۋشى مەملەكەتتەردىڭ ۇلتتىق زاڭنامالارىن ۇيلەستىرۋ جانە جاقىنداستىرۋ جۇمىستارىن جۇيەلى تۇردە جۇرگىزىلۋ قاجەتتىلىگى ايتىلىپ، تۇركپا-نىڭ 2022-2027 جىلدارعا ارنالعان زاڭ جوبالاۋ قىزمەتىنىڭ باعدارلاماسىنا ەرەكشە نازار اۋدارىلدى.