الماتى وبلىسىندا زاڭسىز الكوگول ونىمدەرىن شىعارعان سەح انىقتالدى

الماتى وبلىسىندا الكوگول ونىمدەرىن ءوندىرىپ كەلگەن جاسىرىن سەح انىقتالدى

قاراساي اۋدانى، ايتەي اۋىلىنىڭ تۇرعىنى ءوز ۇيىندە انتيسانيتارلىق جاعدايدا اراق-شاراپتىڭ تانىمال ماركالارىن بوتەلكەلەرگە قۇيىپ، ءىرى كولەمدە ساۋداعا شىعارىپ وتىرعان. قارجى مونيتورينگى اگەنتتىگىنىڭ الماتى وبلىسى اۋماقتىق دەپارتامەنتى ماماندارىمەن تەكسەرۋ بارىسىندا 7000 اكسيزدىك ماركا، ءار ءتۇرلى الاكوگول سۋسىندارىنىڭ 850 بوتەلكەسى مەن قاقپاقتار جانە بوتەلكە جاباتىن قوندىرعىلاردى انىقتادى، دەپ حابارلادى Almaty-akshamy.kz قازاقپاراتقا سىلتەمە جاساپ.

سونداي-اق قۇرامىندا ءسپيرتى بار سۇيىقتىق قۇيىلعان 25 ليترلىك ىدىستار مەن باسقا دا قۇرال-جابدىق تاركىلەندى.

«اتالعان فاكت بويىنشا قاراساي اۋداندىق سوت ۇكىمىمەن ق ر قك 233 بابى، 2ء-شى بولىگى بويىنشا ەشقايدا كەتپەۋ جانە ءتيىستى مىنەز-قۇلىق تۋرالى قولحات بەرىلىپ، تاعايىندالعان جازانىڭ بۇكىل مەرزىمىنە پروباسيالىق باقىلاۋ ورناتىلدى. جانە 300 ساعات قوعامدىق جۇمىس تۇرىندە جازا تاعايىندالعان»،- دەدى الماتى وبلىستىق ەكونوميكالىق تەرگەۋ دەپارتامەنتىنىڭ رەسمي وكىلى اينۇر ىدىرىسوۆا.