ەلدە شاحماتتان الەم چەمپيوناتى وتپەك

زەيىندى ويىن

25-31 جەلتوقسان ارالىعىندا نۇر-سۇلتان قالاسىندا جىلدام شاحماتتان (راپيد پەن بليستەن) الەم چەمپيوناتى (FIDE World Rapid and Blitz Championships 2021) وتەدى، دەپ حابارلايدى Almaty-akshamy.kz  رrosports.kz-كە سىلتەمە جاساپ

بۇل تۋرالى مادەنيەت جانە سپورت مينيسترلىگىنىڭ باسپا ءسوز قىزمەتى حابارلادى.

اتالعان جارىس شاحماتتان بيىلعى كۇنتىزبەدەگى ايتۋلى وقيعانىڭ ءبىرى. الەمنىڭ 52 ەلىنەن 200-دەن استام شاحماتشى كەلەدى دەپ جوسپارلانعان. ونىڭ ىشىندە الەم چەمپيوندارى مەن ۆيسە-چەمپيوندارى، FIDE (حالىقارالىق شاحمات فەدەراسياسى) نۇسقاسى بويىنشا رەيتينگى ەڭ جوعارى شاحماتشىلار بار.

سونىمەن قاتار چەمپيوناتقا ءوز ۇلتتىق فەدەراسياسى اتىنان ەرلەر مەن ايەلدەر سەكسيالارىنداعى قازىرگى ەل چەمپيوندارى مەن الەم چەمپيوناتى تارتىبىندە كورسەتىلگەن تالاپتارعا سايكەس كەلەتىن شاحماتشىلار قاتىسا الادى. سونداي-اق، قازاقستان شاحمات فەدەراسياسىنىڭ قوسىمشا 30 قازاقستاندىق ويىنشىنى شاقىرۋعا ايرىقشا قۇقىعى بار.

جىلدام جانە بليس شاحمات بويىنشا 2021 جىلعى الەم چەمپيوناتىنىڭ اشىق جانە ايەلدەر جارىستارىنىڭ رەگلامەنتىمەن كەلەسى سىلتەمەلەر بويىنشا تانىسۋعا بولادى: اشىق جارىستار جانە ايەلدەر جارىستارى.

راپيد – بۇل ءار پارتياعا 15 پەن 60 مينۋتتىڭ ارالىعىندا ۋاقىت بەرىلەتىن شاحمات ءتۇرى. حالىقارالىق ءىرى جارىستاردا ۋاقىت ارالىعى – 15 مينۋت + ءار جۇرىسكە 10 سەكۋند، دەپ بەكىتىلگەن. شاحمات ويىنىنىڭ بۇل ءتۇرىن گروسسمەيستەر داۆيد برونشتەين ويلاپ تاپقان.

بليس – بۇل راپيدتەن دە جىلدام ويىن. بۇكىل پارتياعا 1-دەن 10 مينۋتقا دەيىن بەرىلەدى. ەلەكتروندى شاحمات ساعاتى پايدا بولعانعا دەيىن ءار پارتياعا 5 مينۋتتان بەرىلگەن. بۇگىندە بليستەن ءىرى تۋرنيرلەر 3 مينۋت + ءار جۇرىسكە 2 سەكۋند ۋاقىت كورسەتكىشىمەن وتكىزىلەدى.