Nur Otan پارتياسىنىڭ كەزەكتەن تىس سەزى بارىسىندا پارتيانىڭ ساياسي كەڭەسىنىڭ قۇرامى وزگەردى.
سەزد بارىسىندا Nur Otan پارتياسىنىڭ اتقارۋشى حاتشىسى اسحات ورالوۆ پارتيا جارعىسىنىڭ 9.1.1. تارماعىنا سايكەس، ساياسي كەڭەستىڭ قۇرامىنا وزگەرىستەر ەنگىزۋ تەك قانا پارتيا سەزىنىڭ قۇزىرەتىنە كىرەتىندىگىن اتاپ ءوتتى، دەپ حابارلايدى Almaty-akshamy.kz.
«سىزدەردىڭ قاراۋلارىڭىزعا پارتيا ساياسي كەڭەسىنىڭ قۇرامىنان پارتيا مۇشەلەرى وسپانبەك السەيىتوۆ پەن نۇرلان ءنيعماتۋليندى شىعارۋ جانە ولاردىڭ ورنىنا پارتيانىڭ كەلەسى مۇشەلەرىن ەنگىزۋ ۇسىنىلادى: ق ر پرەمەر-مينيسترى ءاليحان سمايىلوۆ، ق ر پرەزيدەنتى اكىمشىلىگىنىڭ باسشىسى مۇرات نۇرتىلەۋ، «استانا» مەديسينا ۋنيۆەرسيتەتىنىڭ رەكتورى قامالجان نادىروۆ، حالىقارالىق «قازاق ءتىلى» قوعامىنىڭ ۆيسە-پرەزيدەنتى ماكسيم روجين»، - دەدى ول.
بۇل ۇسىنىستى سەزد دەلەگاتتارى ءبىراۋىزدان قولدادى.