اتى اڭىزعا اينالعان ءانشىنىڭ 100 جىلدىق مەرەيتويى حالىقارالىق دەڭگەيدە اتاپ وتىلەدى
حح عاسىردىڭ كورنەكتى وپەرا جانە ەسترادا ءانشىسى ۇلتتىق ونەردىڭ دامۋىنا ەلەۋلى ۇلەس قوستى. جاقىندا ەلوردادا كسرو جانە قازاقستان حالىق ءارتىسىنىڭ ەكسكليۋزيۆتى ءمۇسىنى تانىستىرىلدى، دەپ حابارلايدى Almaty-akshamy.kz
«100% ۇقساستىق دەپ ايتسام بولادى. ءمۇسىندى العاش كورگەندە تاڭىرقاپ قالدىم. جۇبايىم مەن بالالارىم كوزدەرىنە جاس الدى. ءبىز مۇندا انامىزدىڭ اشەكەيلەرىن، ورامالدارى مەن سىرعالارىن قوستىق. ول كىسى ماعان، ەڭ بىرىنشىدەن، انا بولدى. جاس كەزىمدە ونىڭ قانشالىقتى ۇلكەن تۇلعا ەكەنىن جەتە تۇسىنبەدىم، تەك جاسىم ۇلعايا كەلە، انامنىڭ ۇلىلىعىنا كوزىم جەتتى»، - دەيدى روزا باعلانوۆانىڭ ۇلى تاجەن باعلانوۆ.
ايتا كەتەيىك، بىلتىر يۋنەسكو 2022-2023 جىلدارعا ارنالعان ەستەلىك داتالاردىڭ ءتىزىمىن بەكىتتى. وعان قازاقتىڭ بۇلب ۇلى روزا باعلانوۆانىڭ 100 جىلدىق مەرەيتويى ەندى. اتاۋلى داتاعا وراي ەلىمىزدە مەرەكەلىك شارالار لەگى باستالادى. اتاپ ايتقاندا، روزا باعلانوۆا اتىنداعى حالىقارالىق انشىلەر بايقاۋى ەلىمىزدىڭ باس قالاسىندا وتپەك. قىزىلوردا، الماتى، ماسكەۋدە كونسەرتتەر جوسپارلانعان. اتاقتى ءانشىنىڭ مەرەيتويى پاريجدەگى يۋنەسكو-نىڭ شتاب-پاتەرىندە دە اتاپ وتىلەدى.