الاتاۋ اۋدانى بويىنشا «مەكتەپ اۆتوبۋسى» جوباسى اياسىندا وسى جىلعا ەڭ مۇقتاج ءۇش مەكتەپ (№196 – 2 اۆتوبۋس، №184 – 2 اۆتوبۋس، №210 – 5 اۆتوبۋس) تاڭداپ الىندى، جالپى سانى 1153 بالاعا 9 اۆتوبۋس ءبولىندى. اۆتوبۋستاردى ساتىپ الۋدى ەسكەرە وتىرىپ، ولار 2023 جىلدىڭ اقپان ايىندا ىسكە قوسىلادى دەپ كۇتىلۋدە، دەدى قالا اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋدە.
وسى جىلدىڭ ءى توقسانىنىڭ سوڭىنا دەيىن يندۋستريالىق ايماقتىڭ اۋماعىندا كاسىپتىك-تەحنيكالىق كوللەدجدىڭ، سونداي-اق يننوۆاسيالىق تەحنولوگيالار كوللەدجىنىڭ قۇرىلىسىن باستايمىز. 720 ورىنعا ەسەپتەلگەن ءاربىر كوللەدجدىڭ 380 ورىندىق جاتاقحاناسى بولادى. بۇگىنگى تاڭدا ولار بويىنشا مەردىگەر ۇيىمداردى انىقتاۋعا كونكۋرستار وتكىزىلۋدە. قۇرىلىس شامامەن 2024 جىلدىڭ قىركۇيەگىنە دەيىن اياقتالاتىن بولادى.
بيىل بالالارعا ارنالعان سپورتتىق جانە شىعارماشىلىق ۇيىرمەلەردى جان باسىنا شاققانداعى قارجىلاندىرۋ جالعاسادى. 2023 جىلعا الماتى قالاسى بويىنشا 68 مىڭ بالانى قامتۋ ءۇشىن 16،2 ملرد. تەڭگە سوماسىندا بيۋدجەت بەكىتىلدى، ونىڭ ىشىندە الاتاۋ اۋدانى ءۇشىن – 2،35 ملرد. تەڭگە.
بالالاردى قوسىمشا وقىتۋمەن قامتۋ كولەمىن ودان ءارى ارتتىرۋ ءۇشىن 2022 جىلدىڭ اقپانىنان باستاپ كوپسالالى يننوۆاسيالىق شىعارماشىلىق ورتالىعىنىڭ (وقۋشىلار سارايى) قۇرىلىسى باستالدى. وعان اپتاسىنا 5 مىڭنان استام بالا باراتىن بولادى. ونىڭ قۇرىلىسى 2023 جىلدىڭ II توقسانىنا دەيىن اياقتالادى.
سونداي-اق، "زەردەلى" شاعىناۋدانىندا دەنە شىنىقتىرۋ-ساۋىقتىرۋ كەشەنىنىڭ جانە "نۇركەنت" شاعىناۋدانىندا تەننيس كورتتارىنىڭ قۇرىلىسى ءجۇرىپ جاتىر. بۇل سپورت كەشەندەرى 2023 جىلدىڭ جەلتوقسان ايىندا دايىن بولادى.