"مەديسينالىق قىزمەت كورسەتۋ ساپاسىن جاقسارتۋ ءۇشىن وسى جىلدىڭ اقپان ايىندا "سايالى" جانە "قاراسۋ" شاعىناۋداندارىندا ءارقايسىسى كۇنىنە 200 ادامدى قابىلدايتىن ەكى دارىگەرلىك امبۋلاتوريا قۇرىلىسىن باستاۋ جوسپارلانىپ وتىر"،- دەدى قالا اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋدە.
2023 جىلى مەملەكەت باسشىسىنىڭ تاپسىرماسى بويىنشا الاتاۋ اۋدانىندا 50 توسەك-ورىندىق پەرزەنتحاناسى بار 350 توسەك-ورىندىق ءبىرىنشى كوپسالالى اۋرۋحانا سالۋ ءۇشىن جوبالاۋ-سمەتالىق قۇجاتتاما ازىرلەنەتىن بولادى. بۇگىنگى كۇنى "زەردەلى" شاعىناۋدانىندا جەر ۋچاسكەسى بەلگىلەندى. ونىڭ قۇرىلىسىن 2024 جىلى باستايمىز.