بۇل - قالاعا بەرىلگەن جاڭا اۆتوبۋستىڭ 20 پايىزى.
جاڭا اۆتوبۋستاردىڭ ارقاسىندا 12 مارشرۋتتىق جەلىنىڭ ماسەلەسى شەشىلدى، دەپ حابارلايدى Almaty-akshamy.kz
«ءبىزدىڭ الدىڭعى ەسەپتىك كەزدەسۋلەرىمىزدە سىزدەردىڭ وتىنىشتەرىڭىزدىڭ كوپ بولىگى اۆتوبۋس پاركىنىڭ جوعارى توزۋ دەڭگەيى، مارشرۋتتىق جەلىلەردىڭ جەتىسپەۋى جانە قوزعالىس ينتەرۆالدارىنىڭ بۇزىلۋى سياقتى قوعامدىق كولىك جۇمىسىنىڭ ساپاسىنا قاتىستى بولدى»، - دەدى بۇگىن اۋدان تۇرعىندارىمەن كەزدەسكەن قالا باسشىسى.
وتكەن جىلدىڭ كوكتەمىندە الماتى قالاسىنىڭ اكىمدىگى 450 جاڭا اۆتوبۋس ساتىپ الدى، ونىڭ ىشىندە 92 (20%) اۆتوبۋس الاتاۋ اۋدانىنا بەرىلدى. جاڭا اۆتوبۋستاردىڭ ارقاسىندا 12 مارشرۋتتىق جەلىنىڭ ماسەلەسى شەشىلدى.
وسىلايشا، تۇرعىنداردىڭ وتىنىش-تىلەكتەرى نەگىزىندە ءتورت جاڭا مارشرۋت اشىلدى، قوزعالىس ينتەرۆالىن ساقتاپ قالۋ ءۇشىن اۆتوبۋستار سانىن كوبەيتىپ، 2 مارشرۋت ۇزارتىلدى. ءتورت مارشرۋت جەلىسىندەگى 52 اۆتوبۋس جاڭارتىلدى. وسىلايشا، اۋداننىڭ اۆتوبۋس پاركى 100% جاڭارتىلدى. ەكى مارشرۋتتىڭ ءجۇرۋ ينتەرۆالى قالپىنا كەلتىرىلدى.
«2023 جىلى ءبىز ەڭ كوپ سۇرانىسقا يە ءۇش مارشرۋتتاعى (№69، №125 جانە №24) اۆتوبۋستاردى جاڭارتۋدى جوسپارلاپ وتىرمىز، سونداي-اق قازاقستان رەسپۋبليكاسى پرەزيدەنتىنىڭ تاپسىرماسىنا سايكەس، قالا ماڭى ايماعىنىڭ تۇرعىندارىن قوعامدىق كولىكپەن قامتاماسىز ەتۋ ءۇشىن وسى جىلدىڭ ءىىى توقسانىندا كولىاششى كەنتىنەن "سالەم" بازارىنا دەيىن №213 مارشرۋتتى ىسكە قوسۋ جوسپارلانعان. ول الاتاۋ اۋدانىنىڭ ءبىر بولىگىن قامتيتىن بولادى»، - دەدى ەربولات دوسايەۆ.
وتكەن جىلدىڭ باسىندا اۋدان بويىنشا ايالداما كەشەندەرىنە جالپى قاجەتتىلىك 90 بىرلىكتى قۇرادى. 2022 جىلى 40 ايالداما ورناتىلدى. قالعان 50 ايالداما 2023 جىلى ورناتىلادى. وسىلايشا، اۋدانداعى ايالدامالاردىڭ جەتىسپەۋ ماسەلەسى 2023 جىلدىڭ سوڭىنا دەيىن تولىق شەشىلەدى.