استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى اسا ءىرى مولشەردە پارا الۋ فاكتىسى بويىنشا ەكس-ۆيسە-مينيستر ا.-عا قاتىستى ۇكىم شىعاردى (قك 366-بابىنىڭ 4-بولىگى).
سوت ەكس-ۆيسە-مينيستر 2018 جىلدىڭ اقپانىنان 2020 جىلدىڭ شىلدەسىنە دەيىن "اتامەكەن" ۇكپ مۇددەلەرى ءۇشىن ءتيىمدى رەسمي شەشىم قابىلداۋعا ىقپالداسىپ، دەلدال ارقىلى م.-دان جالپى سوماسى 115 مىڭ اقش دوللارى جانە 8 ملن.150 مىڭ تەڭگە اقشانى پارا رەتىندە الدى.
سوتتالۋشىنىڭ كىناسى كۋاگەرلەردىڭ ايعاقتارىمەن، ۇيالى تەلەفونداعى حات-حابارلارمەن، جاسىرىن تەرگەۋ ارەكەتتەرىنىڭ جازبالارىمەن، ساراپتاما اكتىلەرىمەن، زاتتاي دالەلدەمەلەرمەن جانە ت.ب. دالەلدەندى.
سوتتا پروكۋرور ايىپتاۋدى قولداپ، 12 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى.
سوتتالۋشى اقتاۋدى ءوتىندى.
سوت قىلمىستىق جاۋاپتىلىق پەن جازانى جەڭىلدەتەتىن ءمان-جاي رەتىندە جاس بالالارىنىڭ بولۋىن تانىدى.
قابىلداعان انتىن بۇزۋى اۋىرلاتاتىن ءمان-جاي رەتىندە تانىلدى.
"سوت ۇكىمىمەن ەكس-ۆيسە-مينيستر ا. قك-نىڭ 366-بابىنىڭ 4-بولىگىندە كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلا وتىرىپ، 10 جىل مەرزىمگە باس بوستاندىعىنان ايىرىلدى"، دەپ جازدى استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ حابارلاماسىندا.