ءمانى تەرەڭ كورمە
ەلوردادا «Nomad: black and white» كورمەسى تانىستىرىلدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
«Nomad: black and white». ءدال وسىنداي اتاۋمەن ەلوردادا بەلگىلى گرافيك-سۋرەتشى باتۋحان بايمەننىڭ كورمەسى كوپشىلىك نازارىنا تانىستىرىلدى. لينوگراۆيۋرا جانرىندا جۇمىس ىستەيتىن شەبەر كوشپەندىلەردىڭ مادەنيەتىن ارقاۋ ەتكەن.
اۆتور بۇگىندە ءوز جۇمىستارىن حالىقارالىق دەڭگەيدە ونىڭ ىشىندە گەرمانيادا، تۇركيادا، كيپردە، وزبەكستاندا، قىرعىزستاندا، قازاقستاندا تانىستىرىپ كەلەدى.
- بۇگىندە لينوگراۆيۋرا ونەرىن دارىپتەيتىن سۋرەتشىلەر از، - دەيدى شەبەر. جاستارعا گراۆيۋرانىڭ نە ەكەنىن، ونىڭ قانشالىقتى ەرەكشە بولا الاتىنىن كورسەتۋ ماقساتىندا وسى كورمەنى ۇيىمداستىرۋدى ءجون كورگەن.
ايتا كەتەيىك، سۋرەتشىنىڭ بيوگرافياسىندا بۇل 13ء-شى جەكە اۆتورلىق كورمەسى. ەلورداداعى ەكسپوزيسياعا 50-گە جۋىق تۋىندى قويىلدى.