الماتىدا سوت ورىنداۋشىعا جۇدىرىق الا جۇگىرگەن ادام ەلگە بەلگىلى بوكسشى بولىپ شىقتى

قالادا سوت ۇكىمىن ورىنداۋعا بارعان ادامعا بەلگىلى بوكسشى جانقوش تۇراروۆ قىسىم كورسەتىپ، سوققىعا جىققان. 

رەسپۋبليكالىق جەكە سوت ورىنداۋشىلار پالاتاسى سوت ورىنداۋشىسىن ۇرعان ادام بوكسشى جانقوش تۇراروۆتى شاقىرعانىن ءمالىم ەتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ. 

جەكە سوت ورىنداۋشىلار پالاتاسىنىڭ مالىمەتىنشە، سوت ورىنداۋشىسى ا.ا.ەرمەكوۆكە شابۋىل الماتىنىڭ بوستاندىق اۋدانىنداعى نىساندى بۇزۋ كەزىندە جاسالعان.

«نىسان يەسى م.ن.ىسقاقوۆ سوت ورىنداۋشىسىن بۋىندىرىپ، عيماراتتى بۇزۋدى توقتاتۋدى تالاپ ەتكەن، كەيىن قابىرعاسى مەن وكپە تۇسىنان ۇرعان. سوققى پوليسيا قىزمەتكەرلەرىنىڭ كوزىنشە بولعان. جەدەل جاردەم دارىگەرى سوققىنىڭ دەنساۋلىققا ورتا دارەجەدە زيان كەلتىرگەنىن ايتتى. پوليسيا قىزمەتكەرلەرى قاشىپ كەتىپ، وقيعا ورنىندا بولماعان»،- دەپ حابارلادى رەسپۋبليكالىق جسو پالاتاسىنان.

سوت ورىنداۋشىسى ۇرىپ-سوعۋ دەرەگى بويىنشا قىلمىستىق ءىس قوزعاۋ تۋرالى ارىز جازىپ، تاياق جەگەننەن كەيىن كوشەگە جۇگىرىپ شىققان ۋچاسكەلىك پوليسياعا بەردى.

«وقيعا كەزىندە سوت ورىنداۋشىسىنا جانە باسقا ادامدارعا قىسىم جاساۋ ماقساتىندا ىسقاقوۆ بوكسشى تۇراروۆ جانقوش جاسۇلانۇلىن شاقىرعان. وقيعا ورنىنا كەلگەن بوكسشى سوت ورىنداۋشىسىنان م.ن.ىسقاقوۆقا قاتىستى پوليسياعا تۇسىرگەن ارىزىن الۋدى تالاپ ەتكەن. سونداي-اق، جانقوش تۇراروۆ بۇل ارەكەتتى زاڭسىزدىق دەپ ساناپ، وسى ءۇشىن قورقىتقان. كەيىن م.ن.ىسقاقوۆ پەن ج.ج. تۇراروۆ ا.ا.ەرمەكوۆكە قارسى فيزيكالىق سوققى كورسەتىپ، قورقىتا باستاعان. تىكەلەي قىسىم كورسەتىلىپ، سوت اكتىسىنىڭ تالاپتارىن ورىنداۋدان باس تارتۋعا ماجبۇرلەگەن»، - دەپ اتاپ ءوتتى پالاتادان.

وسىنداي كەلەڭسىز جايت سالدارىنان سوت ورىنداۋشىسى قىزمەتىن ورىنداي المادى. بۇعان دەيىن سوت ورىنداۋشىسى سوققىعا جىعىلعانىن حابارلاعان بولاتىنبىز.