ەلىمىزدىڭ ەكسپەديسياسى بابالاردان بەلگى قالعان جەرلەردى ارالاۋدا

كونە مۇرا - ەل قازىناسى

قازاقستاندىق ەكسپەديسيا بابالاردان بەلگى قالعان جەرگە كەلدى، دەپ حابارلايدى Almaty-akshamy.kz.

XV عاسىردا رەسەي اۋماعىندا قاسىم حاندىعى بولعانىن ءبىرى بىلسە، ءبىرى بىلە بەرمەيدى.

ونى قازان حانى مۇحاممەدتىڭ ۇلى قاسىم قۇرعان. حاندىق 200 جىلدان ارتىق بيلىك ەتكەن. قاسىم حاندىعى قۇرىلعاننان قۇلاعانعا دەيىن شىڭعىس حان ۇرپاعىنان 14 ادام بيلىك ەتكەن.

ولاردىڭ اراسىندا قازاق حاندىعىن قۇرعان جانىبەكتىڭ ۇرپاعى وراز مۇحاممەد وندان ۇلى بار. بۇگىندە ونىڭ جەرلەنگەن جەرىنە مەموريالدىق تاقتا ورناتىلدى. بابالاردان بەلگى قالعان جەرگە قازاقستاندىق ەكسپەديسيا ارنايى كەلدى.

«قاسىم حاندىعىن رەسەيگە باعىنبايتىن جەكە مەملەكەت ەتۋ ول كىسىنىڭ ويىندا بولدى. مۇمكىن سول ءۇشىن دە I لجەدميتريي، II لجەدميتريي بايلانىسىپ، كەيىنگى كەزدە سولاردىڭ جاعىنا شىقتى. وسىنداي ءبىر قىلىعىن بايقاعان لجەدميتريي جەندەتتەرىنە ونى ءولتىرۋدى تاپسىرادى»، - دەدى، - دەدى «بابالار ىزىمەن» عىلىمي ەكسپەديسياسىنىڭ جەتەكشىسى ساپار ىسقاقوۆ.

قاسىم حاندىعى قۇرىلعان ساتتەن بۇگىنگە دەيىن ساقتالعان جالعىز نىسان – مۇنارا، بيىكتىگى – شامامەن 22 مەتر. مۇندا كەيبىر حاندىق بيلەۋشىلەرىنىڭ سۇيەگى جەرلەنگەن. بۇگىنگى قاسىم قالاسىنىڭ ماڭىنداعى جازىق دالا بۇرىن زيرات بولعان، ونىڭ دالەلى – كەسەنە. ىشىندە تاريحتا اتى قالعان 5 ادامنىڭ بەلگىتاسى بار. سونىڭ ءبىرى – قادىرعالي جالايىر.