ق ر قم مەملەكەتتىك كىرىستەر كوميتەتى «نۇر جولى» كەدەن بەكەتىندە جۇك اۆتوكولىكتەرىنىڭ توقتاپ قالۋىنا قاتىستى اقپاراتقا تۇسىنىكتەمە بەردى، دەپ حابارلايدى Almaty-akshamy.kz ق ر قم مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.
باق-تا «نۇر جولى» كەدەن بەكەتىندە جۇك اۆتوكولىكتەرىنىڭ توقتاپ قالۋى تۋرالى اقپارات جاريالاندى.
جاريالانعان اقپاراتقا سايكەس، قازاقستاندىق ازاماتتاردىڭ تاۋارلارى تيەلگەن ونداعان اۆتوكولىك قۇرالدارى قىتايمەن شەكاراداعى – «نۇر جولى» كەدەن بەكەتىندە 11 كۇننەن استام ۋاقىت بويى تۇر.
بۇگىنگى تاڭدا جۇك اۆتوكولىكتەرىنىڭ جينالۋىنا جول بەرمەۋ ءۇشىن بۇكىل سىرتقى شەكارادا «CarGoRuqsat» ەلەكتروندى كەزەگى ءساتتى جۇمىس ىستەۋدە.
ءوز كەزەگىندە، مەملەكەتتىك كىرىستەر كوميتەتى «نۇر جولى» كەدەن بەكەتىندە اۆتوكولىك قۇرالدارىنىڭ جينالۋى جوق ەكەنىن حابارلايدى.
تاۋار اينالىمى مەن وتكىزۋ قابىلەتىن ارتتىرۋ ماقساتىندا «نۇر جولى» كەدەن بەكەتى تاۋلىك بويى جۇمىس رەجيمىنە كوشكەن.
سونداي-اق، مەملەكەتتىك كىرىستەر كوميتەتى قحر-مەن بۇكىل شەكارادا اۆتوكولىك قۇرالدارىنىڭ جينالۋى جوق ەكەنىن، بارلىق كەدەن بەكەتتەرى شتاتتىق رەجيمدە جۇمىس ىستەيتىنىن حابارلادى.
ءوز كەزەگىندە، قولدانىستاعى زاڭناماعا سايكەس، تاۋارلار تۋرالى مالىمەتتەردى تەكسەرۋ جانە الۋ ماقساتىندا، دۇرىس ەمەس دەكلاراسيالاۋ تاۋەكەلدەرىنە كۇدىك بولعان جاعدايدا، كەدەن ورگاندارى ەۋرازيالىق ەكونوميكالىق وداقتىڭ كەدەندىك شەكاراسى ارقىلى وتكىزىلەتىن تاۋارلار مەن كولىك قۇرالدارىنا قاتىستى باقىلاۋدى جۇزەگە اسىرۋعا مىندەتتى.
باقىلاۋ شارالارىنىڭ ءبىرى كولىك قۇرالدارىندا ىلەسپە قۇجاتتاردا مالىمدەلمەگەن تاۋارلاردىڭ بولۋ تاۋەكەلدەرى بولعان جاعدايدا تاعايىندالاتىن جانە كەزەكتىلىك تارتىبىمەن جۇزەگە اسىرىلاتىن تەكسەرۋ بولىپ تابىلادى.