باقىتجان ساعىنتايەۆ 2024 جىلدان باستاپ ەۋرازيالىق ەكونوميكالىق كوميسسيانى باسقارادى
بۇل تۋرالى رف پرەزيدەنتى ۆلاديمير پۋتين جوعارى ەۋرازيالىق ەكونوميكالىق كەڭەستە مالىمدەدى، دەپ حابارلايدى Sputnik قازاقستان.
"2024 جىلدىڭ 1 اقپانىنان باستاپ القا باسشىسى لاۋازىمىنا كىرىسەتىن ساعىنتايەۆ مىرزانى قۇتتىقتايمىن – ءبىز ونى وتە جاقسى بىلەمىز، ول بۇعان دەيىن ەەك مۇشەسى بولىپ جۇمىس ىستەدى. سوندىقتان ءوزىنىڭ جاڭا مىندەتىنە جىگەرلەنە كىرىسەتىنىنە سەنىمدىمىن. ول سونداي-اق قازاقستان پرەزيدەنتىنىڭ اكىمشىلىگىندە ىستەدى، ۇكىمەت ءتوراعاسى، قازاقستاننىڭ پرەمەر-مينيسترى بولدى"، - دەدى رەسەي پرەزيدەنتى.
وتكەن جىلى ساعىنتايەۆ قازاقستان رەسپۋبليكاسى اتىنان ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى ءمينيسترى بولىپ تاعايىندالدى. شەشىم ەاەو سامميتىندە قابىلداندى.