قاسىم-جومارت توقايەۆ سانكت-پەتەربۋرگ قالاسىندا وتكەن جوعارى ەۋرازيالىق ەكونوميكالىق كەڭەستىڭ (جەەك) كەزەكتى وتىرىسىنا قاتىستى.
شاعىن قۇرامداعى كەزدەسۋگە قازاقستان پرەزيدەنتىمەن قاتار، رەسەي فەدەراسياسىنىڭ پرەزيدەنتى – جەەك ءتوراعاسى ۆلاديمير پۋتين، ارمەنيا پرەمەر-مينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، سونداي-اق ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچ قاتىستى.
مەملەكەتتەر باسشىلارى ەۋرازيالىق ەكونوميكالىق وداق اياسىنداعى ينتەگراسيالىق پروسەستەردى ودان ءارى دامىتۋدىڭ نەگىزگى مىندەتتەرى مەن باستى باعىتتارىن، سونداي-اق ۇيىمنىڭ 2024 جىلعا ارنالعان حالىقارالىق ىنتىماقتاستىق جوسپارىن تالقىلادى. سونىمەن قاتار جيىنعا قاتىسۋشىلار ەاەو قىزمەتىنىڭ جەكەلەگەن اسپەكتىلەرى جونىندە پىكىر الماستى.