كانەلو گەنناديي گولوۆكينمەن ءۇشىنشى ايقاسىنا بولجام جاسادى
ءتورت سالماق دارەجەسىندەگى الەم چەمپيونى جانە «pound-for-pound» رەيتينگىسىنىڭ بۇرىنعى كوشباسشىسى مەكسيكالىق ساۋل الۆارەس 18 قىركۇيەكتە لاس-ۆەگاستا (اقش) وتەتىن قازاقستاندىق گەنناديي گولوۆكينمەن ءۇشىنشى ايقاسى نوكاۋتپەن اياقتالادى دەپ ەسەپتەيدى، دەپ حابارلايدى اlmaty-akshamy.kz Sports.kz سايتىنا سىلتەمە جاساپ.
«ءبىزدى جاقسى جەكپە-جەك كۇتىپ تۇر. گولوۆكين – كەرەمەت جانە ءقاۋىپتى قارسىلاس. ءبىراق، مەن نوكاۋتقا جىبەرەمىن دەپ ويلايمىن، وعان ەش كۇمان جوق. وعان ىنتام زور. رينگكە ورالاتىن كۇندى اسىعا كۇتىپ ءجۇرمىن. بار كۇشىمدى سالىپ جاتتىعىپ جاتىرمىن. نوكاۋت – بۇل ايقاستىڭ جالعىز مۇمكىن ناتيجەسى»، - دەدى ساۋل الۆارەس جۋرناليستەرمەن كەزدەسۋدە.
ەسكە سالايىق، كانەلو مەن گەنناديي گولوۆكيننىڭ ءبىرىنشى ايقاسى 2017 جىلى ءوتىپ، تەڭ ناتيجەمەن اياقتالدى. رەماچ 2018 جىلى بولدى جانە وندا الۆارەس تورەشىلەردىڭ باسىم داۋىسىمەن جەڭىسكە جەتتى.