نوبەل سىيلىعىن تابىستاۋ ءراسىمى وتكىزىلمەيدى

نوبەل سىيلىعىن ماراپاتتاۋ ونلاين جانە وفلاين رەجيمدە وتەدى

نوبەل سىيلىعىن تابىستاۋ ءراسىمى پاندەمياعا بايلانىستى تاعى دا وتكىزىلمەيتىن بولدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.

نوبەل قورى ماراپاتتاۋ راسىمدەرىنىڭ بىلتىرعىداي ونلاين جانە وفلاين رەجيمىندە بولاتىنىن مالىمدەدى. وسىلايشا، نەگىزگى ءراسىم تەلەديدار ارقىلى جانە نوبەل سىيلىعىنىڭ سيفرلىق پلاتفورمالارى ارقىلى تىكەلەي ەفيردەن كورسەتىلەدى. ءوز كەزەگىندە نوبەل سىيلىعىنىڭ نورۆەگيالىق كوميتەتى الەم سىيلىعىن جەكە شارا اياسىندا وسلو قالاسىندا تابىستاۋ مۇمكىندىگىن قاراستىرىپ وتىر. مەرەكەلىك راسىمدەر ادەتتە سكانديناۆيالىق ەكى استانادا 10 جەلتوقساندا – سىيلىقتىڭ نەگىزىن قالاۋشى الفرەد نوبەل قايتىس بولعان كۇنى وتكىزىلەتىنى اتاپ وتىلۋدە. ستوكگولم راتۋشاسىندا لاۋرەاتتاردىڭ قاتىسۋىمەن بەينەتانىستىرىلىمدار وتكىزىلەدى، سوندىقتان راسىمگە جەرگىلىكتى اۋديتوريا قاتىسادى.

بيىلعى جىل لاۋرەاتتارىنىڭ ەسىمدەرى 4-11 قازان كۇندەرى اراسىندا بەلگىلى بولادى. نوبەل سىيلىعى – جىل سايىن اتاقتى عىلىمي زەرتتەۋلەر، ريەۆوليۋسيالىق ونەرتابىستار نەمەسە مادەنيەت نە قوعامنىڭ دامۋىنا قوسقان زور ۇلەس ءۇشىن تابىستالاتىن بەدەلدى الەمدىك سىيلىق.