پروفيلاكتيكالىق مەديسينا اكادەمياسىنىڭ پرەزيدەنتى، امەريكاندىق دەنساۋلىق قاۋىمداستىعىنىڭ مۇشەسى الماز شارمان الماتىداعى وڭىرلىك كوممۋنيكاسيالار قىزمەتىنىڭ بريفينگىندە كوروناۆيرۋستىق ينفەكسياعا قارسى ۆاكسيناسيا مەن قورعانۋ تۋرالى ءوز پىكىرىمەن ءبولىستى.
ا. شارماننىڭ ايتۋىنشا، ۆاكسينالانۋدان كەيىنگى يممۋندىق قورعانىس ۆيرۋسقا تويتارىس بەرەدى، دەپ حابارلايدى Almaty-akshamy.kz.
سوندىقتان ەكپە الۋدىڭ ماڭىزى وتە زور.
«مىسالى، وتكەن جىلدىڭ ماۋسىمىندا اۋىرىپ، ەكپە الماعانداردىڭ ىقتيمالدىعى جوعارى. ءيا، بەلگىلى ءبىر دارەجەدە ۆاكسينالار جاڭا نۇسقالارعا قارسى تيىمدىلىگىن جوعالتادى، ءبىراق سوعان قاراماستان، 80% جاعدايدا يممۋندىق قورعانىس ساقتالادى»، - دەدى پروفەسسور.
سونىمەن قاتار، عالىم مۋتاسيا جيىلىگىن ازايتۋ ءۇشىن سانيتارلىق نورمالاردى ساقتاۋدى جالعاستىرۋعا شاقىرادى.
ا. شارمان «Eta» كوروناۆيرۋسىنىڭ جاڭا مۋتاسيالانعان نۇسقاسى تۋرالى ايتتى. ونىڭ الەمدە پايدا بولۋى العاش رەت 2020 جىلدىڭ جەلتوقسانىندا بەلگىلى بولدى، ينفەكسيا نيگەريا مەن ۇلىبريتانيادا، ال ءقازىر قازاقستاندا انىقتالدى.
«ەگەر بۇرىن كوروناۆيرۋس ايىنا ەكى رەت مۋتاسياعا ۇشىراسا، بۇگىندە ونى ءجيى جاسايدى. قازىرگى ۋاقىتتا «Eta» باسقا تولقىن تۋدىرۋى مۇمكىن دەگەن اقپارات جوق. مەديسينالىق قاۋىمداستىق بۇل وپسياعا الاڭدامايدى. كوروناۆيرۋستىڭ «دەلتا» نۇسقاسى وتە ءقاۋىپتى»، - دەدى ا. شارمان.
عالىم كوروناۆيرۋسقا قارسى ۆاكسينالانۋ دەرتتىڭ اۋىر تۇرىنەن جانە ولىمنەن قورعايتىنىن ايتتى.
«قازاقستاندا ۆاكسينالاردىڭ بولعنىمەن، ەكپەمەن قامتۋ ءالى دە تومەن. ەل تۇرعىندارىنىڭ 60%-دان استامى ۆاكسينانىڭ بىردە-بىر دوزاسىن ءالى العان جوق. مىسالى، امەريكا قۇراما شتاتتارىنىڭ كوپ بولىگىندە، دانيا سياقتى ەۋروپا ەلىندە، ەرەسەك حالىقتىڭ 80%-ى ۆاكسينالانعان. ۆاكسينالانۋ ۇجىمدىق يممۋنيتەتتىڭ شەگىنە ۇمىتتەنەمىز، ويتكەنى ۆاكسينالار ۆيرۋستان ءقورعانۋدىڭ ءعڭتيىمدى جولى. ءقازىر ءبىزدىڭ ەلدە بار بارلىق ۆاكسينالار جاڭا نۇسقالارعا قارسى ءتۇرا الادى»، - دەدى ا. شارمان.