نوبەل مەدالىنىڭ ءباسساۋدادا رەكوردتىق سوممادا ساتىلۋى
بەيبىتشىلىك بويىنشا نوبەل سىيلىعىنىڭ لاۋرەاتى رەسەيلىك دميتريي مۋراتوۆ ءوزىنىڭ التىن مەدالىن اقش-تا اۋكسيوندا ساتتى، دەپ حابارلايدى «حابار 24».
قۇندى سىيلىق رەكوردتىق 103 جارىم ميلليون دوللارعا ساتىلدى. شارانى ۇيىمداستىرۋشىلاردىڭ ايتۋىنشا، ءباسساۋدادان تۇسكەن قارجىنىڭ بارلىعى ۋكرايناداعى بوسقىن بالالار مەن ولاردىڭ جانۇيالارىنا كومەكتەسۋ ءۇشىن بۇۇ بالالار قورىنا اۋدارىلادى. «نوۆايا گازەتا» باسىلىمىنىڭ باس رەداكتورى - بەيتشىلىك بويىنشا نوبەل سىيلىعىن العان العاشقى رەسەي ازاماتى. وعان بەدەلدى سىيلىق فيليپپيندىك جۋرناليست ماريا رەسسومەن بىرگە بەرىلگەن.
«بۇل ەلەۋلى وقيعا جانە نوبەل مەدالىنىڭ ءباسساۋدادا رەكوردتىق سوممادا ساتىلۋى. سونىمەن قاتار بۇۇ بالالار قورى تاريحىنداعى ەڭ قوماقتى قايىرىمىدىلىق دەپ ويلايمىن. ول ءقازىر الەمدەگى ەڭ كۇردەلى بوسقىندار داعدارىسىن شەشۋگە سەپتىگىن تيگىزەتىنىنە سەنىمدىمىن»،-دەدى اۋكسيون ءۇيىنىڭ وكىلى دجوشۋا بەنەش.