الماتىداعى ساۋدا ۇيىنە تاعى دا «جارىلعىش زات قويىلدى»

الماتى پوليسياسى ازاماتتاردى ۇرەيلەنبەۋگە، تىنىشتىق ساقتاۋعا شاقىردى

الماتىدا قالانىڭ ءىرى ساۋدا-ويىن-ساۋىق ورتالىقتارىنىڭ ءبىرىنىڭ قىزمەتكەرلەرى مەن كەلۋشىلەرى ەۆاكۋاسيالاندى، دەپ حابارلايدى Almaty-akshamy.kz.

پوليسيا دەپارتامەنتى باسپا ءسوز قىزمەتىنىڭ مالىمەتىنشە، 2022 جىلعى 21 ماۋسىمدا ساعات 16:09-دا الماتىداعى ساۋدا ۇيلەرىنىڭ بىرىنە جارىلعىش زات قويىلدى دەگەن حابارلاما كەلىپ تۇسكەن.

«مۇنداي حابارلامالارعا باستاپقى دەن قويۋ الگوريتمىنىڭ شەڭبەرىندە، ءبىرىنشى كەزەكتە ورتالىققا كەلۋشىلەر مەن قىزمەتكەرلەردى ەۆاكۋاسيالاۋ جۇزەگە اسىرىلدى. جول-پاترۋلدىك پوليسيا جاساقتارى وسى وبەكتىگە ىرگەلەس ءجۇرىس بولىگىنە كولىك قۇرالدارىن بۇرۋدى جۇزەگە اسىرادى»،-دەدى الماتى پوليسيا دەپارتامەنتى

پد جەدەل باسقارۋ ورتالىعىندا حابارلاعانداي، تەكسەرۋ شارالارى اياقتالدى. جارىلعىش زات قويىلدى دەگەن اقپارات جالعان بولىپ شىقتى.

سونىمەن قاتار الماتى پوليسياسى ازاماتتاردى ۇرەيلەنبەۋگە، تىنىشتىق ساقتاۋعا جانە قالادا قاۋىپسىزدىكتى قامتاماسىز ەتۋ بويىنشا جۇرگىزىلىپ جاتقان ءىس-شارالارعا تۇسىنىستىكپەن قاراۋعا شاقىردى.
بۇعان دەيىن الەۋمەتتىك جەلىلەردە پوليسيا موسكۆا ساۋدا ورنىن قورشاپ العانى، ءورت سوندىرۋشىلەر مەن جەدەل جاردەم كەلگەنى حابارلانعان ەدى.