امەريكالىق ازامات قازاق ءتىلىن Ninety one توبىنىڭ اندەرىنەن ۇيرەنگەن.
اقش-تىڭ قازاقستانداعى ەلشىلىگى وكىلدەرى شەتەلدىكتىڭ وقيعاسىن ايتىپ بەردى، دەپ حابارلايدى Almaty-akshamy.kz.
ەۆان اللەن تارازداعى ۋنيۆەرسيتەتتەردىڭ بىرىندە اعىلشىن تىلىنەن ساباق بەرەدى. ول ورىس ءتىلىن مۇلدە بىلمەيتىنىن، سوندىقتان قازاق ءتىلىن ۇيرەنۋگە دەرەككوز تابۋ قيىن بولعانىن ايتتى.
«Ninety one توبىن تاپقان كەزدە، قاتتى قۋاندىم. مەن ولاردىڭ اندەرىنەن ءتىلدى ۇيرەنە باستادىم، ولاردان سوزدەر مەن ينتوناسيالاردى قايتالاي باستادىم. قازاق ءتىلىن ۇيرەنۋگە كوپ ۋاقىت جۇمسادىم»، - دەيدى شەتەلدىك.
ەۆان توپ اندەرىنىڭ بارلىق ءسوزىن بىلەدى. ونىڭ قازىرگى ارمانى - قازاقستاندا جۇرگەندە توپپەن تانىسۋ.
«وتكەن ايدا مەن ولاردىڭ استاناداعى جەكە كونسەرتىنە باردىم. وندا بولعانىما وتە قۋانىشتىمىن. ءبىر كۇنى توپپەن كەزدەسىپ، ولارعا جەكە العىس ايتامىن دەپ ويلايمىن»، - دەدى ەۆان.