الماتى پوليسەيلەرى سالا ارداگەرىمەن كەزدەستى

بۇل – جاقسى داستۇرگە اينالعان جىل سايىنعى شارا.

ءىىو ارداگەرى، وتستاۆكاداعى پوليسيا پولكوۆنيگى رۋسلان ناسىربايەۆ جاس ءىز كەسۋشىلەرگە 90-جىلداردىڭ اياعىنداعى اتىشۋلى قىلمىستار، سونىڭ ىشىندە ادام جەگىشتەردىڭ ۇستالۋى تۋرالى قىزىقتى وقيعالاردى ايتىپ بەردى، دەپ حابارلايدى Almaty-akshamy.kz Polisia.kz-كە سىلتەمە جاساپ.

سونىمەن قاتار، قىزدى زورلاعان قىلمىسكەردى ۇستاۋ ءۇشىن 13-قاباتتان سەكىرگەن پوليسيا پودپولكوۆنيگى باقىتجان باكىروۆ جاس ءتارتىپ ساقشىلارىنىڭ الدىندا ءسوز سويلەدى.

«شارا ۇنەمى ءىىو ارداگەرلەرىنىڭ قاتىسۋىمەن وتەدى. بۇل جولى ادامداردى قۇتقارۋدا، اۋىر قىلمىستاردىڭ جولىن كەسۋدە جانە اشۋدا ەرەكشە كوزگە تۇسكەن پوليسيا قىزمەتكەرلەرىن قۇرمەتتەۋدى دە ورايلاستىردىق. ماقساتىمىز – جاس ءتارتىپ ساقشىلارىن پاتريوتتىق جانە وتانعا دەگەن سۇيىسپەنشىلىك رۋحىندا تاربيەلەۋ، سونىمەن قاتار ىشكى ىستەر ورگاندارىنىڭ ءيميدجىن كوتەرۋ. وسكەلەڭ ۇرپاق ەرجۇرەك ارىپتەستەرىمىزدەن ۇلگى الۋى كەرەك. بۇل پوليسيا قىزمەتكەرلەرى ءومىرى مەن دەنساۋلىعىنا قاراماستان، ەلىمىزدىڭ قاۋىپسىزدىگى مەن تۇراقتىلىعى جولىندا وتانعا ايانباي قىزمەت ەتۋدە. ولاردا زاماناۋي پوليسيا قىزمەتكەرىنىڭ بويىندا بولۋى ءتيىس قاسيەتتەر بار: كاسىپقويلىق، جاۋاپتىلىق، ادىلدىك»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.